Царква Казанскай Маці Божай (Парэчча)

Славутасць
Царква Казанскай Маці Божай
53°53′20″ пн. ш. 24°08′20″ у. д.HGЯO
Краіна	Беларусь
Вёска	Парэчча
Канфесія	БПЦ
Епархія	Гродзенская і Ваўкавыская епархія
Дата пабудовы	1901 год
Глобус Беларусі	globustut.by/poreche_gr/…
Медыяфайлы на Вікісховішчы

Царква Казанскай Маці Божай — праваслаўная царква, размешчана ў цэнтры в. Парэчча (Гродзенскі раён).

Пабудавана ў 1901 годзе з дрэва як царква-школа на месцы храма, які згарэў у 1846 г.

Прамавугольны ў плане гарызантальна выцягнуты будынак пад вальмавым дахам, у цэнтры якога надбудаваны чацвярык з цыбулепадобным купалам на цыліндрычным барабане. З боку галоўнага фасада ўзвышаецца чатырохгранная шатровая званіца. Цыбулепадобная галоўка завяршае вальмавы дах прамавугольнага прыруба апсіды з бакавымі рызніцамі. Бравенчатыя сцены раўнамерна прарэзаны прамавугольнымі аконнымі праёмамі ў разных ліштвах і расчлянёны брусамі-сцяжкамі ў прасценках.

Унутры храма вылучаны папярочны неф і вузкі бабінец, па баках якога былі размешчаны класы царкоўна-прыходскай школы.

Маецца прыпісная капліца ў імя святога мучаніка немаўляці Гаўрыіла Беластоцкага на могілках в. Рыбніца. Капліца была асвечана 16 жніўня 2014 г. архіепіскапам Гродзенскім і Ваўкавыскім Арцеміем.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 413Д000200

• Кулагін, А. М. Праваслаўныя храмы Беларусі: энцыклапедычны даведнік / А. М. Кулагін; [рэд. савет: Г. П. Пашкоў, Л. В. Календа]. — Мн.: Беларуская Энцыклапедыя, 2007. — 653 с. — С. 315. — ISBN 978-985-11-0389-4.

• На Вікісховішчы ёсць медыяфайлы па тэме Царква Казанскай Маці Божай (Парэчча)
• Царква Казанскай Маці Божай (Парэчча) на сайце Праваслаўная архітэктура Беларусі (бел.)
• Царква Казанскай Маці Божай (Парэчча) на сайце Radzima.org
• Царква Казанскай Маці Божай (Парэчча) на сайце Глобус Беларусі (руск.)
• Царква Казанскай Маці Божай (Парэчча) на сайце «Архіварта»