Царква Раства Хрыстова (Вялікае Сціклева)

Славутасць
Царква Раства Хрыстова
53°52′26″ пн. ш. 27°41′46″ у. д.HGЯO
Краіна	Беларусь
Вёска	Вялікае Сціклева
Канфесія	БПЦ
Епархія	Мінская епархія
Архітэктар	Мікалай Іосіфавіч Лук’янчык[d]
Будаўніцтва	1996
Глобус Беларусі	globustut.by/bol_stikle/…
Медыяфайлы на Вікісховішчы

Царква Раства Хрыстова — мураваны праваслаўны храм у в. Вялікае Сціклева Мінскага раёна Мінскай вобласці.

Пабудавана ў 1996 годзе. Архітэктар храма Мікалай Іосіфавіч Лук’янчык.

Пабудавана з цэглы ў традыцыях рэтраспектыўна-рускага стылю. Вырашана кубападобным аб’ёмам, завершаным магутным цыліндрычным светлавым барабанам пад цыбулепадобным купалам. Над папярочным прытворам надбудавана цыліндрычная званіца, завершаная 3-ярусным арачным каскадам і макаўкай. Усходні фасад завершаны паўкруглай апсідай пад конхавым пакрыццём. Асноўная архітэктурная тэма — закамарна-арачнае вырашэння фасадаў і іх бочкавае перакрыцце. Сцены прарэзаны вузкімі вертыкальна цягнутымі аконнымі праёмамі. Уваход вырашаны арачным рундуком пад бочкавым перакрыццем. Перад храмам пастаўлена драўляная шатровая каплічка ў стылі Рускай Поўначы^[1].

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Царква Раства Хрыстова (Вялікае Сціклева) на сайце Глобус Беларусі (руск.)