Царква Роўнаапостальных Канстанціна і Алены (Валожын)

Праваслаўны храм
Царква Роўнаапостальных Канстанціна і Алены
Царква ў імя святых роўнаапостальных Канстанціна і Алены
54°05′35″ пн. ш. 26°31′11″ у. д.HGЯO
Краіна	Беларусь
Горад	Валожын
Канфесія	Беларуская праваслаўная царква
Епархія	Маладзечанская епархія
Архітэктурны стыль	народнае дойлідства з рысамі рэтраспектыўна-рускага стылю
Дата пабудовы	1866 год
Статус	Гісторыка-культурная каштоўнасць Беларусі, шыфр 613Г000074шыфр 613Г000074
Медыяфайлы на Вікісховішчы

Царква Роўнаапостальных Канстанціна і Алены — праваслаўны храм у г. Валожын (Валожынскі раён). Размешчана ў цэнтры горада па вул. Савецкай. Помнік народнага дойлідства з рысамі рэтраспектыўна-рускага стылю. Пабудавана ў 1866 г. здрэва.

Царква ўяўляе сабой крыжападобны ў плане храм з двух'яруснай чацверыковай шатровай званіцай з франтальнага фасада. Над сяродкрыжжам узвышаецца двух'ярусны васьмігранны барабан, завершаны, як і званіца, шатром з макаўкай. На гарызантальна ашаляваных сценах блакітнай афарбоўкі вылучаюцца пабеленыя ліштвы высокіх арачных аконных праёмаў.

Малітоўная зала перакрыта васьмігранным самкнутым скляпеннем на ветразях, у яе прастору шырокімі прасветамі адкрываюцца бакавыя прыдзелы, апсіда і бабінец.

У 1990-я гг. злева ад храма пастаўлена драўляная капліца — прамавугольны ў плане будынак пад двухсхільным дахам з купалам па цэнтры.

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Г000074

• На Вікісховішчы ёсць медыяфайлы па тэме Царква Роўнаапостальных Канстанціна і Алены (Валожын)
• Царква Роўнаапостальных Канстанціна і Алены (Валожын) на сайце Праваслаўная архітэктура Беларусі (бел.)
• Царква Роўнаапостальных Канстанціна і Алены (Валожын) на сайце Radzima.org
• Царква Роўнаапостальных Канстанціна і Алены (Валожын) на сайце Глобус Беларусі (руск.)
• Царква Роўнаапостальных Канстанціна і Алены (Валожын) на сайце «Архіварта»