Царква Святой Ефрасінні (Івянец)

Славутасць
Царква Святой Ефрасінні
53°53′24″ пн. ш. 26°44′30″ у. д.HGЯO
Краіна	Беларусь
Гарадскі пасёлак	Івянец
Канфесія	БПЦ
Епархія	Маладзечанская епархія
Архітэктар	Уладзімір Фёдаравіч Даніленка
Першае згадванне	1996
Будаўніцтва	1996—1998 гады
Глобус Беларусі	globustut.by/ivenec/inde…
Медыяфайлы на Вікісховішчы

Царква Святой Ефрасінні — мураваны праваслаўны храм у гарадскім пасёлку Івянец Валожынскага раёна Мінскай вобласці. Знаходзіцца ў цэнтры населенага пункта.

Знаходзіцца на месцы былога Троіцкага касцёла. Будаўніцтва храма пачалося ў 1996 годзе^[1]. Пабудавана ў 1998 годзе. У сярэдзіне ліпеня 1998 года ў прысутнасці беларускага архіпастыра Філарэта была асвячона і закладзена ў падмурак храма капсула з памятнай граматай.

Архітэктарам царквы з’яўляецца Уладзімір Федаравіч Даніленка.

Пабудавана з цэглы. Храм вырашаны ў стылізаваных формах старажытнарускага царкоўнага дойлідства. Цэнтрычны аб’ём завершаны светлавым цыліндрычным барабанам пад сферычным купалам. Асноўная архітэктурная тэма — закамарнае завяршэнне фасадаў, расчлянёных вузкімі арачнымі аконнымі праёмамі^[2].

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Царква Святой Ефрасінні (Івянец) на сайце Глобус Беларусі (руск.)