Царква ў імя святога велікамучаніка Георгія Перамоганосца (Камсамольская)

Царква ў імя святога велікамучаніка Георгія Перамоганосца
	Славутасць
Царква ў імя святога велікамучаніка Георгія Перамоганосца
	53°14′00″ пн. ш. 27°21′10″ у. д.HGЯO
Краіна	Беларусь
Месцазнаходжанне	Камсамольская;
Дата пабудовы	1857
Глобус Беларусі	globustut.by/komsomolsk/…

Царква ў імя святога велікамучаніка Георгія Перамоганосца — колішняя царква на паўночна-заходняй ускраіне вёскі Камсамольская (Пукава) Капыльскага раёна.

Гісторыя

Царква пабудавана ў 1857 годзе з цэглы на месцы старога храма на сродкі прыхаджан і мясцовага памешчыка Тамаша Ёдкі^[1]^[2]. У 1895 годзе ўзведзена з дрэва царкоўнапрыходская школа^[2].

Пасля рэвалюцыі царква прапрацавала нядоўга. 10 студзеня 1933 года быў арыштаваны і змешчаны пад варту настаяцель храма — бацька двух дзяцей — Сцяпан Радзівіновіч. У 1936 годзе ён загінуў у лагеры. У час вайны царква дзейнічала. Пасля вайны службы спыніліся, а царкоўнае начынне, кнігі з царкоўнай бібліятэкі і абразы забралі па дамах жыхары вёскі^[3].

Архітэктура

Была вырашана кампактным прамавугольным у плане аб’ёмам, гонтавы дах над якім быў завершаны купалам. 3 франтальнага боку мелася 3-ярусная званіца. Атынкаваныя фасады чляніліся 12 аконнымі праёмамі. Унутры апсіда вылучалася 3-ярусным іканастасам на 33 абразы^[2].

Зноскі

↑ РДГА, ф. 799, воп. 33, спр. 799, арк. 4. Описание церквей и приходов Минской епархии. Игуменский уезд. Мн., 1879. С. 115.
↑ ^а ^б ^в Праваслаўныя храмы Беларусі : энцыклапедычны даведнік / А. М. Кулагін; маст.: З. Э. Герасімовіч, У. П. Свентахоўскі. — Мінск: Беларуская Энцыклапедыя, 2007. — С. 568. — 653 с. — 2 000 экз. — ISBN 978-985-11-0389-4.
↑ Утраченное наследие: церковь святого Георгия. «Слава працы». — 08.01.2017