Чарлз Полард Аліўе

Чарлз Полард Аліўе
Charles Pollard Olivier
Дата нараджэння	10 красавіка 1884(1884-04-10)
Месца нараджэння	Шарлатсвіл[d], Вірджынія, ЗША
Дата смерці	14 жніўня 1975(1975-08-14) (91 год)
Грамадзянства	ЗША
Род дзейнасці	астраном
Навуковая сфера	астраномія
Месца працы	Вірджынскі ўніверсітэт
Навуковая ступень	доктар філасофіі
Альма-матар	Вірджынскі ўніверсітэт
Медыяфайлы на Вікісховішчы

Чарлз Полард Аліўе (англ.: Charles Pollard Olivier, 10 красавіка 1884, Шарлатсвіл, Вірджынія, ЗША  — 14 жніўня 1975, Брын-Мар, Пенсільванія, ЗША) — амерыканскі астраном, які спецыялізаваўся на даследаванні метэораў, падвойных і пераменных зорак^[1].

Нарадзіўся і вырас у Шарлатсвілі (штат Вірджынія) непадалёк ад Вірджынскага ўніверсітэта. Атрымаў ступень доктара філасофіі па астраноміі ў 1911 годзе за дысертацыю, якая абвяргае існаванне стацыянарных метэорных выпраменьвальнікаў. У гэтым жа годзе заснаваў Амерыканскае метэорнае таварыства, якое ажыццяўляе назіранне выпадковых метэораў і метэорных патокаў. Супольнасць была створана як адгалінаванне ад Амерыканскага астранамічнага таварыства.

• 1912-1914 — прафесар астраноміі ў каледжы Агнес Скот ў г. Дэкейтэр (штат Джорджыя).
• 1914-1918 — асістэнт-даследчык Вірджынскага універсітэта і навуковы супрацоўнік абсерваторыі Маккормік, якая займаецца вымярэннем паралакса.
• 1928 — дырэктар абсерваторыі Флаўэр Пенсільванскага універсітэта.
• 1945 — дэкан астранамічнага факультэта Пенсільванскага універсітэта.

Актыўна займаўся пытаннем пашырэння абсерваторыі, што прывяло да стварэння абсерваторыі Флаўэр-энд-Кук (Філадэльфія) у 1956 годзе. Разам з брытанскім астраномам Уільямам Дэнінгам лічыцца піянерам навуковага візуальнага назірання метэораў.

• Charles P. Olivier, «Meteors», Baltimore, The Williams & Wilkins Co., 1925.
• Charles P. Olivier, «Comets», Baltimore, The Williams & Wilkins Co., 1930.

• Амерыканскае метэорнае таварыства выдае штогод прэмію яго імя астраномам, якія вывучаюць метэоры.
• У гонар яго названы кратэр Аліўе на Месяцы.

• Hockey, Thomas; Bracher, Katherine; Bolt, Marvin; Trimble, Virginia; Jarrell, Richard; Palmeri, JoAnn; Marché, Jordan D., Williams, Thomas; Ragep, F. Jamil Biographical Encyclopedia of Astronomer(англ.) // Springer. — Springer, 2007. — С. 851—852. — ISBN 0387304002.