Чыгуначная катастрофа пад Уфой

Чыгуначная катастрофа пад Уфой
Падрабязныя звесткі
Дата	4 чэрвеня 1989
Час	01:14
Месца	перагон Аша — Улу-Цяляк
Краіна	СССР ( РСФСР)
Чыгуначная ; лінія	Транссібірская магістраль, Куйбышаўская чыгунка
Аператар	МШЗ СССР
Тып здарэння	выбух, пажар
Прычына	выбух газападобнай сумесі шырокіх фракцый лёгкіх вуглевадародаў
Статыстыка
Цягнікі	№ 211 і 212
Лік пасажыраў	1284 пасажыры (у тым ліку 383 — дзеці) і 86 членаў цягніковых і лакаматыўных брыгад
Загінулыя	575 (645)
Параненыя	623
Шкода	12.318.000 рублёў

Чыгуначная катастрофа пад Уфой (Ашынская трагедыя) — найбуйнейшая ў гісторыі СССР і Расіі чыгуначная катастрофа, якая адбылася ў нядзелю 4 чэрвеня 01:14 па мясцовым часе (3 чэрвеня ў 23:14 па маскоўскім часе) 1989 года на Транссібірскай магістралі ў Іглінскім раёне Башкірскай АССР і за 11 кіламетраў ад горада Ашы Чалябінскай вобласці на перагоне Аша — Улу-Цяляк^[1]. У момант сустрэчнага праходжання двух пасажырскіх цягнікоў № 211 Новасібірск — Адлер і № 212 Адлер — Новасібірск адбыўся магутны выбух воблака лёгкіх вуглевадародаў, якое ўтварылася ў выніку аварыі на трубаправодзе «Заходняя Сібір — Урал — Паволжа», які быў праложаны недалёка ад чыгункі. Загінулі 575 чалавек (паводле іншых звестак 645), 181 з іх — дзеці, яшчэ 623 атрымалі раненні. У катастрофе пацярпелі жыхары з 45 рэгіёнаў РСФСР і васьмі саюзных рэспублік.