Чырвоная крэпасць у Дэлі

Чырвоная крэпасць
Чырвоная крэпасць*
Red Fort Complex**
Сусветная спадчына ЮНЕСКА
Тып	культурны
Крытэрыі	I, III, VI
Спасылка	231
Рэгіён***	Азія
	Гісторыя ўключэння
Уключэнне	2007 (31 сесія)
	* Міжнародная канвенцыя «ЮНЕСКА»; Назва ў афіцыйным англ. спісе; * Рэгіён па класіфікацыі ЮНЕСКА

Чырвоная крэпасць у Дэлі
	Славутасць
Чырвоная крэпасць у Дэлі
	хіндзі: लाल क़िला
	28°39′21″ пн. ш. 77°14′25″ у. д.HGЯO
Краіна	Індыя;
Месцазнаходжанне	Central Delhi district[d];
Вышыня	33 м
Матэрыял	пясчанік
Сайт	delhitourism.gov.in/… (англ.)
	Медыяфайлы на Вікісховішчы

Чырвоная крэпасць, або Лал-Кі́ла (хіндзі: लाल किला) — фартыфікацыйнае збудаванне XVII — XIX стагоддзяў, помнік сусветнай спадчыны ў старой частцы Дэлі. Займае плошчу 49 га.

Гісторыя

Будаўніцтва Чырвонай крэпасці было распачата магольскім імператарам Шах-Джаханам у 1638 г. у сувязі з пераносам сталіцы з Агры ў Дэлі. Да 1857 г. яна выконвала функцыю рэзідэнцыі Вялікіх Маголаў. Пасля была перададзена адміністрацыі Брытанскай Індыі. Да 1905 г. брытанцы зруйнавалі дзве трэці ўнутраных пабудоў, узвялі ваенныя казармы, адрамантавалі муры.

У 1947 г. у Чырвонай крэпасці была абвешчана незалежнасць Індыі.

Славутыя мясціны

Частку Чырвонай крэпасці займае ваенны гарнізон, аднак яна адчынена для наведвальнікаў. Захаваліся муры і вежы крэпасці, знутры — ваенныя баракі брытанскіх войск, сажалкі для захавання пітной вады, аднак найбольшую каштоўнасць уяўляюць наступныя канструкцыі:

Лахорская і Дэлійская брамы, якія з'яўляюцца месцамі ўваходу ў крэпасць на заходнім і паўднёвым напрамках. У нашы дні Лахорская брама — галоўны ўваход для наведвальнікаў.

Лахорская брама
Дэлійская брама

Чата-Чоўк — доўгая аркада ў заходнім баку, якая традыцыйна з'яўляецца вуліцай гандляроў.

Пачатак Чата-Чоўк

Наўбат-Хана́ , або «дом барабаншчыкаў», у якім у магольскую эпоху жылі прыдворныя музыканты.

Знешні выгляд Наўбат-Хана
Інтэр'ер Наўбат-Хана

Ваенны музей у будынку старой брытанскай казармы.

Дыван-і-Ам — будынак для публічных аўдыенцый імператараў.

Знешні выгляд Дыван-і-Ам
Аркада Дыван-і-Ам

Археалагічны музей у часткова перабудаваным гарэмным палацы Мумтаз-Махал.

Мумтаз-Махал
Частка экспазіцыі музея

Ранг-Махал, або «палац кветак» — дзённая рэзідэнцыя імператараў.

Знешні выгляд Ранг-Махал
Інтэр'ер Ранг-Махал

Хас-Махал — палац для адпачынку імператараў.

Знешні выгляд Хас-Махал
Інтэр'ер Хас-Махал

Дыван-і-Хас — будынак для прыватных аўдыенцый. У мінулым у ім знаходзіўся Паўлінавы трон, змайстраваны з слановай косці і золата, упрыгожаны каштоўнымі каменямі.

Знешні выгляд Дыван-і-Хас
Імператар на Паўлінавым троне

Жамчужная мячэць.

Знешні выгляд Жамчужнай мячэці
Упрыгожаныя дзверы

Імператарскія лазні

Знешні выгляд лазняў
Інтэр'ер, мал. XIX ст.

Шах-і-Бурдж — будынак для бібліятэкі, школы і абсерваторыі.

Сучасны знешні выгляд Шах-і-Бурдж
Знешні выгляд у XIX ст.

На поўнач ад Чырвонай крэпасці знаходзіцца Салімгарх — самастойнае фартыфікацыйнае збудаванне 1546 г. У мінулым яно знаходзілася на востраве пасярод ракі Джамна і выкарыстоўвалася Вялікімі Маголамі ў якасці месца зняволення. У наш час лічыцца часткай комплекса Чырвонай крэпасці. Да яго таксама далучана Сунехры-Масджыд, трохкупальная мячэць XVIII ст. каля Дэлійскай брамы.