Элайджа Уінінгтан

Элайджа Уінінгтан
Элайджа Уінінгтан
Агульная інфармацыя
Пол	мужчынскі пол
Спецыялізацыя	плаванне[d]
Нарадзіўся	5 мая 2000 (25 гадоў); Голд-Кост, Квінсленд, Аўстралія;
Грамадзянства	Аўстралія;
Рост	186 см
	Медыяфайлы на Вікісховішчы

Элайджа Уінінгтан (англ.: Elijah Winnington, нар. 5 мая 2000, Голд-Кост) — аўстралійскі плывец, прызёр летніх Алімпійскіх гульняў 2020 і 2024 гадоў, чэмпіён свету 2022 года, чатырохразовы чэмпіён Гульняў Садружнасці 2018 і 2022 гадоў.

Біяграфія

Выступае за Заходні плавальны клуб Сент-Пітэрс у Брысбене. У 2018 годзе на Гульнях Садружнасці ў Голд-Косце ў складзе эстафеты 4×200 метраў вольным стылем стаў чэмпіёнам.

У 2021 годзе на Алімпійскіх гульнях у Токіа ў складзе эстафеты 4×200 метраў стаў бронзавым прызёрам. Плыўцы эстафеты, якія ўдзельнічалі толькі ў папярэднім заездзе, таксама атрымалі медалі.

У маі 2022 года выйграў чэмпіянат Аўстраліі на 400 і 800 метраў вольным стылем. Праз месяц на чэмпіянаце свету ў Будапешце перамог на дыстанцыі 400 метраў вольным стылем з вынікам 3:41,21.На гульнях Садружнасці 2022 заваяваў тры залатыя і адзін бронзавы медаль.

У горадзе Доха, на чэмпіянаце свету 2024 года, заваяваў срэбра на дыстанцыях 400 і 800 метраў вольным стылем. У першы дзень плавальнай праграмы летніх Алімпійскіх гульняў 2024 года на дыстанцыі 400 метраў вольным стылем заваяваў сярэбраны медаль з вынікам 3:42,21.