Элеанора Іванаўна Валіцкая

Элеанора Іванаўна Валіцкая
Дата нараджэння	12 жніўня 1928(1928-08-12)
Месца нараджэння	Старыя Дарогі, Старадарожскі раён, Бабруйская акруга, БССР, СССР
Дата смерці	20 сакавіка 2019(2019-03-20) (90 гадоў)
Грамадзянства	СССР  Беларусь
Партыя	КПСС
Узнагароды і прэміі

Элеанора Іванаўна Валіцкая (12 жніўня 1928, г. Старыя Дарогі — 20 сакавіка 2019, г. Мінск) — Герой Сацыялістычнай Працы (1976)^[1].

У час Вялікай Айчыннай вайны была вывезена акупантамі на прымусовыя работы ва Усходнюю Прусію. Пасля вызвалення вярнулася на Старадарожчыну^[2].

Працоўную дзейнасць пачала ў 1947 годзе ў калгасе «Сцяг камунізму» у вёсцы Горкі Старадарожскага раёна паляводам, затым звеннявой паляводчай брыгады^[2].

З 1963 года і да выхаду на пенсію працавала ў жывёлагадоўлі: спачатку цялятніцай, затым больш як 30 год аператарам машыннага даення^[2]. Неаднаразова была пераможцай у раённым спаборніцтве. Першая ў Старадарожскім раёне дасягнула 4-тысячнага надою малака ад каровы^[2].

За шматгадовую добрасумленную працу, высокія паказчыкі па надоях малака ў 1976 годзе прысвоена званне Героя Сацыялістычнай Працы^[1].

Узнагароджана двума ордэнамі Леніна, ордэнам Працоўнага Чырвонага Сцяга, медалямі. Занесена ў Кнігу Народнай Славы раёна^[2].