Ювентус (баскетбольны клуб)

Ювентус
Ювентус
Заснаваны	1999
Краіна	Літва
Зала	Utena Arena[d]
Сайт	utenosjuventus.lt (літ.)
	Медыяфайлы на Вікісховішчы

«Юве́нтус» (літ.: Juventus) — літоўскі баскетбольны клуб з Уцяны. Каманда спаборнічае ў Літоўскай баскетбольнай лізе. Клуб быў заснаваны ў 1999 годзе.

Гісторыя

Баскетбольны клуб «Ювентус» быў заснаваны ў 1999 годзе, дэбютаваўшы ў невялікім мясцовым раённым турніры. Першы склад асноўнай каманды быў сфарміраваны з футбалістаў і аднаго гандбаліста. Капітанам гэтай каманды, які быў сярод заснавальнікаў «Ювентусу», быў футбаліст Нярыюс Кузьміцкас. У сезоне 2003—2004 гадоў уцянцы трэніраваў Рымвідас Вайткус і ў той час жа клуб з'явіўся ў баскетбольнай лізе Літвы, спаборнічаючы ў ніжэйшых дывізіёнах. Праз год баскетбольную каманду трэніраваў Міндаўгас Кілдзішус. «Ювентус» тым часам упершыню ў гісторыі здабыў перамогу ў сваім дывізіёне, атрымаўшы права на ўдзел у другім дывізіёне, але праз розныя бюракратычныя перашкоды ўцянскаму клуба не дазволілі там дэбютаваць. Толькі ў 2007 годзе дружына зноў прабілася ў другі дывізіён і была дапушчана да спаборніцтваў.

15 чэрвеня 2009 года Літоўская баскетбольная федэрацыя дала дазвол клуба ўзяць удзел у Суперлізе з камерцыйных прынцыпаў^[1]. За гэту пастанову «Ювентус» мусіў заплаціць 350 тысяч літаў^[2]. Дэбютны сезон стаў адразу паспяховым, гэта значыць баскетбольная каманда заняла чацвёртае месца ў чэмпіянаце^[3]. У сезоне 2010—2011 гадоў уцянцы ўпершыню ў гісторыі клуба стаў чэмпіёнам Кубка выкліку Балтыйскай баскетбольнай лігі^[4]. У айчынным чэмпіянаце «Ювентус» выбіў у плэй-оф 7-разовага бронзавага прызёра «Шаўлі». Наступныя гады былі без дасягненняў, але сезон 2014—2015 гадоў аказаўся выдатным, у тым ліку дзякуючы з'яўленню новага лідарам каманды амерыканца Рашона Броўдаса. Каманда прабілася ў паўфінал плэй-оф, дзе саступіла «Жальгірысу», але ў матчы за бронзавыя медалі ўцянцы перамаглі «Няптунас»^[5].

2015 год адзначыўся пачаткам выступаў у еўракубках, а ў новым сезоне ўласна літоўскай баскетбольнай лігі дружына спынілася на чацвёртым радку. Ужо праз год каманда дэбютавала ў Лізе чэмпіёнаў, дзе здолела выйсці з групы, але ў плэй-оф зазнала паражэнне ад грэчаскага клуба АЕК. Перад сезонам 2017—2018 гадоў зорка каманды Джамар Дыгс з'ехаў гуляць у Францыю, а галоўны трэнер Антанас Сірэйка вярнуўся ў «Шаўлі». Не зважаючы на тое, што каманда пасля ўзмацніла свае рады, вынікі сезону былі благімі. У сезоне 2018—2019 гадоў «Ювентус» не гуляў у еўрапейскіх спаборніцтвах праз фінансавых праблемы папярэдняга сезона.