Юрый Абрамавіч Шандалаў

Юрый Абрамавіч Шандалаў
Дата нараджэння	15 сакавіка 1923(1923-03-15)
Месца нараджэння	Гомель, Гомельскі павет, Гомельская губерня, РСФСР, СССР
Дата смерці	16 красавіка 1945(1945-04-16) (22 гады)
Месца смерці	Брандэнбург, Германія
Месца пахавання	Брандэнбург
Грамадзянства	СССР
Прыналежнасць	СССР
Род войскаў	пяхота
Званне	старшы лейтэнант
Бітвы/войны	Вялікая Айчынная вайна
Узнагароды і званні

Юрый (Ідэль) Абрамавіч Шанда́лаў (15 сакавіка 1923, Гомель — 16 красавіка 1945, Грос-Нойендорф, Брандэнбург, Германія) — удзельнік Вялікай Айчыннай вайны. Герой Савецкага Саюза (1946).

Нарадзіўся ў Гомелі. Скончыў 10 класаў школы. У Чырвонай Арміі з 1941 г. У дзеючай арміі з мая 1942 г. У 1944 годзе скончыў курсы малодшых лейтэнантаў. Удзельнік вызвалення Пскоўскай вобласці, Прыбалтыкі, Польшчы.

Камандзір роты 674-га стралковага палка 150-й Ідрыцкай ордэна Кутузава 2-й ступені стралковай дывізіі (78-ы стралковы корпус, 3-я ударная армія, 1-ы Беларускі фронт) старшы лейтэнант Шандалаў вызначыўся ў баі на левым беразе ракі Одэр у раёне населенага пункта Грос-Нойендорф. 16 красавіка 1944 г. штурмавая рота пад камандаваннем Шандалава адбіла некалькі контратак праціўніка і амаль цалкам загінула разам са сваім камандзірам ў гэтым баі.

Пахаваны Ю. А. Шандалаў ў горадзе Грос-Нойендорф.

• Медаль «Залатая Зорка» (15.05.1946 , пасмяротна)
• Ордэн Леніна
• Ордэн Чырвонага Сцяга
• Ордэн Айчыннай вайны 2-й ступені
• Ордэн Чырвонай Зоркі

• Імем Ю. А. Шандалава названа адна з вуліц ў горадзе Гомель (Беларусь).
• Мемарыяльная дошка на будынку сярэдняй школы № 2 горада Гомеля.

• Шандалаў Юрый Абрамавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 633. — 680 с. — 20 000 экз. — ISBN 5-85700-012-2.

• Юрый Абрамавіч Шандалаў на сайце «Героі краіны»
• Шандалов Юрий Абрамович // Сайт ГУ «Средняя школа № 2 г. Гомеля имени Г. М. Склезнёва» Архівавана 5 сакавіка 2016. (руск.)