Юрый Васілевіч Смірноў (спявак)

Юрый Васілевіч Смірноў
руск.: Юрий Васильевич Смирнов
Род дзейнасці	спявак
Дата нараджэння	2 верасня 1925(1925-09-02)
Месца нараджэння	РСФСР, СССР
Дата смерці	25 красавіка 1997(1997-04-25) (71 год)
Грамадзянства	СССР  Беларусь
Месца працы	Омскі дзяржаўны музычны тэатр[d] Дзяржкамітэт БССР па тэлебачанні і радыёвяшчанні
Альма-матар	Саратаўская дзяржаўная кансерваторыя імя Л. В. Собінава (1954)
Узнагароды і прэміі

Ю́рый Васі́левіч Смірно́ў (руск.: Юрий Васильевич Смирнов; 2 верасня 1925, в. Даманава, цяпер Ржэўскі раён, Цвярская вобласць, Расія — 25 красавіка 1997) — беларускі спявак (лірычны тэнар).

У 1954 годзе скончыў Саратаўскую кансерваторыю. З 1954 года саліст Омскага тэатра музычнай камедыі. У 1958—1989 гадах саліст Дзяржаўнага камітэта БССР па тэлебачанні і радыёвяшчанні.

Прасоўваў вакальную музыку беларускіх кампазітараў. Сярод запісаў на тэлебачанні і радыё: оперныя партыі – Конрад («Кветка шчасця» Аляксея Туранкова), палкоўнік Лосеў («Кастусь Каліноўскі» Дзмітрыя Лукаса), Саўка Мільгун («У пушчах Палесся» Анатоля Багатырова); вакальныя цыклы «Аб каханні і працы» Сяргея Аксакава на словы Пятра Прыходзькі, «Поры года» Дзмітрыя Лукаса на словы Эдзі Агняцвет, «Бедны Пётр» Пятра Падкавырава на словы Генрыха Гейнэ, кантата «Палі стэпавыя» Івана Кузняцова на словы Авар’яна Дзеружынскага і К. Разганаева^[1].

Заслужаны артыст Беларускай ССР (1968).

• Жураўлёў Д. Смірноў Юрый Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 58. — 10 000 экз. — ISBN 985-11-0035-8. — ISBN 985-11-0251-2 (т. 15).

• Юрый Смірноў i аркестр п/к Барыса Райскага - Алеся  (бел.). Праверана 2 студзеня 2024.
• Ю.Смірноў “Дзе ты, зорка мая?” (А.Русак – І.Лучанок), секстэт домраў Беларускага радыё, кіраўнік – Л.Смялкоўскі, 1968 г.  (бел.). Белтелерадиофонд | Facebook. Праверана 2 студзеня 2024.
• Юрый Смірноў | БЕЛАРУСЬ ЯК ПЕСНЯ  (бел.). Праверана 2 студзеня 2024.
• «Канцэрт-68»: беларускія народныя песні “Чобаты”, “Я – малая”  (бел.). Белтелерадиофонд | Facebook. Праверана 2 студзеня 2024.