Юр’еў дзень (вясенні)

Юр'еў дзень
Св. Юрый — заступнік жывёлы і нівы
Тып	народна-хрысціянскі
інакш	Юр'е, Ягор'я, Ягорый, Юрый весняный, Свята жывёлы, Святы Еры, Ярылавіца, Ярылкі
Значэнне	сапраўдны пачатак вясны
Адзначаецца	славянамі
Дата	23 красавіка (6 мая)
Традыцыі	выходзілі з песнямі і ахвярнымі стравамі аглядаць свае зарунелыя палеткі

Юр'я (Юрай, Юр'е, Ягор'я) — традыцыйнае свята, якое адзначаецца 6 мая (23 красавіка па старым стылі).

Гэта адно з найбольш адметных святаў земляробчага календара, абстаўлена шэрагам урачыстых абрадавых дзеянняў. Свята адзначаецца ў гонар Св. Георгія Пераможцы — заступніка свойскай жывёлы і сялянскай нівы. У хрысціянскія часы ён пераняў рысы і функцыі старажытнага язычніцкага апекуна хатняй жывёлы Велеса і апекуна ўрадлівасці і закаханых Ярылы^[1]. Варыянты назваў свята, прысвечанага боству Ярыле — Ярылавіца, Ярылкі. Веснавы Юрай знаменаваў сабою сапраўдны пачатак вясны. Менавіта з гэтага дня, як лічылі амаль усюды, пачынае кукаваць зязюля.

На Юр'е сяляне выходзілі з песнямі і ахвярнымі стравамі аглядаць свае зарунелыя палеткі. З Юр'ем звязваўся, як правіла, і першы выпас жывёлы. Адначасна з апякунствам свойскай жывёлы Юр'я лічыўся валадаром ваўкоў. У народзе ўяўлялі, што Юр'я едзе на белым кані і замыкае пашчы дзікім звярам, пасля чаго тыя менш нападаюць на скаціну. Свята было напоўнена шматлікімі абрадавымі дзеяннямі, песнямі, павер'ямі, прыкметамі апатрапеічнага і заклінальнага характару.

На гэта свята існуе шмат прыказак, прыкмет.

• Як дождж на Юр'я, то будзе хлеб у дурня.

• Юр'еў дзень, асенні
• Вясновы абрад "Юраўскі карагод"

• Юр'я // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. С. 220.

• Выган жывёлы на Юр'я
• «Этнаграфія Беларусі: Юр'я веснавы»
• Юр'я: фотарэпартаж Андрэя Лянкевіча з Палесся