Якаў Мікалаевіч Кімберг

Якаў Мікалаевіч Кімберг
Дата нараджэння	16 снежня 1909(1909-12-16)
Месца нараджэння	Адэса, Адэскі павет, Херсонская губерня, Расійская імперыя
Дата смерці	27 студзеня 1993(1993-01-27) (83 гады)
Месца смерці	Гродна, Гродзенская вобласць, Беларусь
Месца пахавання	Сакрэт
Грамадзянства	Расійская імперыя  СССР  Беларусь
Прафесія	акцёр
Тэатр	Магілёўскі абласны тэатр драмы і камедыі імя Вінцэнта Дуніна-Марцінкевіча Гродзенскі абласны драматычны тэатр
Узнагароды

Якаў Мікалаевіч Кі́мберг^[1][2] (16 снежня 1909 — 27 студзеня 1993) — беларускі савецкі акцёр, Народны артыст Беларускай ССР (1967).

Нарадзіўся ў горадзе Адэса. У 1937 годзе скончыў драматычныя курсы пры кінастудыі «Масфільм». З 1938 года працаваў у Бабруйскім калгасна-саўгасным драматычным тэатры. Удзельнік Вялікай Айчыннай вайны. У 1944 годзе вярнуўся ў Бабруйскі калгасна-саўгасны тэатр, потым працаваў Бабруйскім абласным драматычным тэатры. У 1947—1973 гадах акцёр Гродзенскага абласнога драматычнага тэатра.

Памёр Я. М. Кімберг 27 студзеня 1993 года ў Гродне. Пахаваны на могілках «Сакрэт»^[3].

Якаў Мікалаевіч Кімберг быў адным з вядучых акцёраў Гродзенскага абласнога драматычнага тэатра. Выконваў драматычныя камедыйныя і характарныя ролі. Сярод роляў у тэатры: Батура («Партызаны» К. Крапівы), Мілер («Падступства і каханне» Ф. Шылера), Цярэшка Калабок («Трыбунал» А. Макаёнка), Шальменка («Шальменка-дзяншчык» Р. Квіткі-Аснаўяненкі), Юсаў, Аркашка Шчасліўцаў («Даходнае месца», «Лес» А. Астроўскага), Шыковіч («Сэрца на далоні» паводле І. Шамякіна) і інш. Таксама зняўся ў мастацкім фільме «Трубач ваеннага аркестра» (студыя «Тэлефільм», рэжысёр А. Мухарскі)^[4].

• Ордэн Айчыннай вайны II ступені (1985)
• Народны артыст Беларускай ССР (1967)

• Кімберг Якаў Мікалаевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 261. — 10 000 экз. — ISBN 985-11-0035-8. — ISBN 985-11-0144-3 (т. 8).
• Кімберг Якаў Мікалаевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 384. — 800 с. — 5 000 экз. — ISBN 985-11-0026-9.

• Карбоўскі С. Марачок, Цярэшка, стары трубач… Архівавана 18 лютага 2023. // Газета «Культура», № 23 (1253) 04.06.2016 — 10.06.2016.
• Кімберг Якаў Мікалаевіч на сайце анлайн-энцыклапедыі «Беларусь у асобах і падзеях»
• Яков Кимберг // КИНО-ТЕАТР.РУ (руск.)