Ян Багуслаў Рдултоўскі

Ян Багуслаў Рдултоўскі
Герб «Драгослаў»
18-ы Кашталян новагародскі 1739 — 1744
Папярэднік	Багуслаў Незабытоўскі
Пераемнік	Даніэль Шышка
22-і Кашталян віцебскі 1735 — 1739
Папярэднік	Юрый Тышкевіч
Пераемнік	Аляксандр Пацей
Нараджэнне	1665(1665)
Смерць	1744(1744)
Род	Рдултоўскія[d]
Жонка	Алена з Ваньковічаў
Дзеці	Антоні Ежы, Элеанора

Ян Багуслаў Рдултоўскі (1665—1744) — вялікалітоўскі дзяржаўны дзеяч. Кашталян віцебскі (1735—1739) і новагародскі (1739—1744).

Паходзіў з незаможнага роду Рдултоўскіх герба «Драгослаў», прадстаўнікі якога займалі пасады ў асноўным у Менскім і Новагародскім паветах.

Займаў пасаду менскага скарбніка, з 1720 года быў новагародскім земскім суддзёй. У 1735 годзе першым з роду атрымаў сенатарскую годнасць, стаўшы кашталянам віцебскім. Памёр на пасадзе новагародскага кашталяна.

У 1735 годзе падпісаў ухвалу Генеральнай Рады варшаўскай канфедэрацыі.

Быў жанаты з Аленай, дачкой менскага падстаросты Тэадора Антонія Ваньковіча (?—1716) і яго жонкі Ганны Войшнар, дачкі лідскага земскага пісара.

У шлюбе нарадзіліся прынамсі двое дзяцей^[1]:

• Антоні Ежы (1700—1764) — ажаніўся з Юстынай з Хлусевічаў
• Элеанора — стала жонкай Аляксандра Пятра Савы-Корсака, суддзі навагародскага

Продкі Алены з Ваньковічаў