Ян Рудаміна-Дусяцкі (кашталян новагародскі)

Ян Рудаміна-Дусяцкі
Герб «Трубы»
5-ы Кашталян новагародскі 1636 — 9 лютага 1646
Папярэднік	Васіль Васілевіч Копаць
Пераемнік	Багдан Статкевіч
Нараджэнне	1581[1]
Смерць	9 лютага 1646(1646-02-09)[2][3]
Месца пахавання	Касцёл Святых Францыска і Бернарда
Род	Рудаміны-Дусяцкія
Бацька	Ян Рудаміна-Дусяцкі
Маці	Феліцыя з Талочкаў[d]
Жонка	Крысціна з Гарадыскіх[d][1]
Дзеці	Габрыэль Рудаміна-Дусяцкі[d][4] і Ганна Алена з Рудамінаў-Дусяцкіх[d]
Веравызнанне	каталіцтва[1]
Член у	Марыянская дружына[d]
Адукацыя	Віленскі ўніверсітэт Інгальштацкі ўніверсітэт[d] Аўгсбургскі ўніверсітэт
Званне	ротмістр

Ян Рудаміна-Дусяцкі (1581 — 9 лютага 1646) — дзяржаўны дзеяч Вялікага Княства Літоўскага. Кашталян новагародскі (з 1636).

Паходзіў з роду Рудамінаў-Дусяцкіх герба «Трубы», сын браслаўскага войскага Яна Рудаміны-Дусяцкага. Вучыўся ў Віленскай акадэміі, Інгальштацкім і Аўгсбургскім універсітэтах (Германія).

Каралеўскі дваранін і сакратар, дэпутат Трыбунала ВКЛ у 1610, ляснічы вількійскі з 1618, новагародскі падваявода ў 1619—1622, харунжы ў 1627—1636, кашталян з 1636. У 1623—1635 неаднаразова выбіраўся паслом на сойм.

Удзельнік вайны Рэчы Паспалітай са Швецыяй 1600—1629, Хацінскай бітвы 1621 з туркамі. Бітву апісаў у вершаваным творы «Праўдзівы дыярыуш экспедыцыі Кароны Польскай і Вялікага княства Літоўскага супраць Асмана ў Валахіі шчасліва выпраўленай» (1640).

Яму прысвечаны творы Мацея Казіміра Сарбеўскага.

• Пазднякоў В. Рудаміны // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 514. — 792 с. — ISBN 985-11-0378-0 (т. 2), ISBN 985-11-0315-2.