258-я партызанская брыгада імя В. У. Куйбышава

258-я партызанская брыгада імя В. У. Куйбышава
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Мінскае партызанскае злучэнне
Тып	партызаны
Функцыя	змаганне з акупантамі
Колькасць	287 партызан (28.6.1944)
Дыслакацыя	Любанскі, Старобінскі, Старадарожскі, Глускі, Акцябрскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Г. М. Сталяроў

258-я партызанская брыгада імя В. У. Куйбышава — партызанская брыгада, створаная ў снежні 1943 года. Дзейнічала на акупіраванай тэрыторыі Любанскага, Старобінскага, Старадарожскага, Глускага, Акцябрскага раёнаў. 28 чэрвеня 1944 года брыгада (287 партызан, 3 атрады) злучылася з Чырвонай Арміяй.

• атрад імя Чапаева (арганізаваны ў снежні 1941 года);
• атрад імя Труцікава (арганізаваны ў чэрвені 1943, названы ў гонар старшыні калгаса А. М. Труцікава, забітага гітлераўцамі);
• атрад імя Будзённага (арганізаваны ў верасні 1943).

• Г. М. Сталяроў

• В. І. Смірноў

• В. П. Волгаў;
• В. С. Дунаеў

Партызаны ўдзельнічалі ў знішчэнні чыгуначных мастоў цераз рэкі Пціч і Бобрык, у жніўні 1943 — у масавым разбурэнні чыгуначнага палатна, у 1943 годзе папсавалі 12,4 км тэлефонна-тэлеграфнай лініі. У студзені, сакавіку і красавіку 1944 года вялі баі з карнікамі, разбілі гарнізоны ў вёсках Даколь, Клетнае, Малінава, Касарычы Глускага, Харомцы Акцябрскага, Сінягова Старадарожскага раёнаў. 27—28 чэрвеня 1944 года разам з брыгадамі 100-й імя Кірава, 161-й імя Катоўскага і 121-й імя Брагіна захапілі і ўтрымлівалі да падыходу Чырвонай Арміі пераправу цераз раку Пціч.

У 1967 годзе ў вёсцы Азярное Любанскага раёна ў гонар брыгады быў пастаўлены помнік.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.