Жан-Батыст Ізабэ

Жан-Батыст Ізабэ
фр.: Jean-Baptiste Isabey
Дата нараджэння	11 красавіка 1767(1767-04-11)[1][2][…]
Месца нараджэння	Нансі, акруга Нансі[d], дэпартамент Мёрт і Мозель, Латарынгія[d], Францыя[1]
Дата смерці	18 красавіка 1855(1855-04-18)[3][1][…] (88 гадоў)
Месца смерці	Парыж, Парыж[d], рэгіён Іль-дэ-Франс, Метраполія Францыі, Францыя[3]
Месца пахавання	Пер-Лашэз[4]
Грамадзянства	Францыя[5]
Жонка	Justine Laurisse de Salienne[d][6]
Дзеці	Эжэн Ізабэ і Alexandrine Marie Pauline Isabey[d]
Род дзейнасці	мастак, рысавальнік, літограф, карыкатурыст
Жанр	партрэт
Уплыў	Jean Girardet[d], Jean-Baptiste Claudot[d], Франсуа Дзюмон[d] і Жак-Луі Давід
Уплыў на	Arnold Wallick[d], Jean-Claude Rumeau[d], Édouard Liénard[d] і Wilhelm Unger[d]
Член у	Акадэмія Станіслава[d][7]
Узнагароды
Медыяфайлы на Вікісховішчы

Жан-Батыст Ізабэ (фр. Jean-Baptiste Isabey; 11 красавіка 1767, Нансі — 18 красавіка 1855, Парыж) — французскі мастак-партрэтыст.

Жан-Батыст Ізабэ вывучаў жывапіс спачатку ў Франсуа Дзюмона, а затым у майстэрні Жака-Луі Давіда. Быў прыдворным мастаком Напалеона I, якога часта суправаджаў у паходах, каб намаляваць імператара ў розных сцэнах, у тым ліку і ваенных. Пасля звяржэння Напалеона Ізабэ працаваў пры двары Бурбонаў, якіх маляваў на сваіх палотнах — як і практычна ўсіх сучасных яму манархаў Еўропы.

Працы Ізабэ вельмі дакладныя ў перадачы рыс мадэлі. Яго мініяцюры лічацца аднымі з лепшых твораў у гэтым напрамку жывапісу. У 1805 годзе ён стварыў са сваіх малюнкаў серыю эстампаў. Займаўся таксама роспісам па фарфоры і мастацтвам літаграфіі. У час Венскага кангрэса мастаку пазіравалі многія ўплывовыя фігуры еўрапейскай палітыкі. У той час Ізабэ быў у вялікай модзе як партрэтыст, асабліва як мініяцюрыст.

Біяграфія Ізабэ была апублікаваная Эдманам Ценьі (Edmond Taigny) у 1859 годзе.

Сын Эжэн Ізабэ таксама быў вядомым мастаком.