Збой сістэмы Федэральнага ўпраўлення грамадзянскай авіяцыі ЗША (2023)

11 студзеня 2023 года Федэральнае ўпраўленне грамадзянскай авіяцыі  (англ.) (бел. на некалькі гадзін прыпыніла ўсе паветраныя рэйсы ў ЗША, пакуль не ліквідавала збой сваёй сістэмы кіравання палётаў. Гэта першы за 20 гадоў у краіне выпадак, пасля падзей 11 верасня 2001 года, калі паветраныя зносіны былі прыпынены^[1].

10 студзеня падчас планавага тэхнічнага абслугоўвання сістэмы кіравання палётамі NOTAM  (англ.) (бел. інжынер Федэральнага ўпраўлення авіяцыі па памылцы замяніў у праграме адзін файл іншым^[2]. У 15:28 яна раптам перастала працаваць^[3][4], а пазней зусім адключылася^[3], што выклікала значныя збоі ў дзейнасці паветранага транспарту^[5][6]. У 7:30 раніцы наступнага дня Федэральнае ўпраўленне авіяцыі загадала авіякампаніям прыпыніць усе ўнутраныя рэйсы^[3]. Самалётам, якія ўжо знаходзіліся ў паветры, было дазволена працягнуць шлях у пункты прызначэння^[5]. Каля 8:30 палёты пачалі аднаўляцца^[7]. Паўнавартасна авіяцыйныя зносіны ў ЗША аднавілася да 9 гадзін^[6].

У агульнай складанасці 32 578 рэйсаў былі затрыманы, у тым ліку знешнія. Акрамя таго, пасля інцыдэнту ўпалі акцыі амерыканскіх авіяперавозчыкаў^[5]. Прэзідэнт ЗША Джо Байдэн быў праінфармаваны аб збоі. Як заявіў Белы дом, ва ўрада не было ніякіх доказаў кібератакі на сістэму, але кіраўнік дзяржавы ўсё ж запатрабаваў правесці расследаванне^[8].