Камітэт 300. Тайны сусветнага ўрада

Камітэт 300. Тайны сусветнага ўрада (англ.: The Conspirators' Hierarchy: The Committee of 300) — скандальная кніга Джона Коўлмана (паводле яго ўласнага сцвярджэння — былога супрацоўніка брытанскіх спецслужбаў). Выдадзена ў 1992 годзе. Выкладае з канспіралагічных пазіцый тэму сусветнага ўрада.

«Камітэт 300» выступае як вярхоўны кантралюючы орган, які, па меркаванні аўтара, кіруе светам з 1897 года. Мэтай загадзя сканструяванага плана з'яўляецца стварэнне адзінага ўніфікаванага свету і адзінага сусветнага ўрада. Усё духоўнае жыццё засяродзіцца ў рамках адной царквы, якая тайна ўжо дзейнічае з 1920 года. Па асноўных кірунках ужо вядуцца сакрэтныя даследаванні і распрацоўкі ў тайных лабараторыях сусветнага ўрада.

Паводле інфармацыі Коўлмана, у «Камітэт 300» уваходзяць самыя ўплывовыя палітыкі, як, напрыклад, Джордж Буш, амаль усе каралеўскія дамы Еўропы, а таксама Дэвід Ракфелер і іншыя буйныя фінансісты.

• Більдэрбергскі клуб

• Джон Колеман. Комитет 300. Тайны мирового правительства М.: ИД «Витязь», 2005. — 320 с. ISBN 5-86523-080-8
• Michael Barkun, A Culture of Conspiracy: Apocalyptic Visions in Contemporary America (Berkeley, CA: University of California Press, 2003), http://www.questia.com/read/105348144(недаступная спасылка).
• Nicholas Goodrick-Clarke, Black Sun: Aryan Cults, Esoteric Nazism, and the Politics of Identity (New York: New York University Press, 2002), http://www.questia.com/read/118091489(недаступная спасылка).