Касцёл Узвіжання Святога Крыжа і кляштар бенедыкцінак (Слонім)

Касцёл
Касцёл Узвіжання Святога Крыжа і кляштар бенедыкцінак
53°05′13,32″ пн. ш. 25°19′22,21″ у. д.HGЯO
Краіна	Беларусь
Горад	Слонім
Канфесія	каталіцызм
Архітэктурны стыль	класіцызм
Будаўніцтва	1801
Статус	Гісторыка-культурная каштоўнасць Беларусі, шыфр 413Г000516шыфр 413Г000516
Глобус Беларусі	globustut.by/slonim/inde…

Касцёл Узвіжання Святога Крыжа і кляштар бенедыкцінак — помнік архітэктуры класіцызму. Знаходзіцца на паўднёва-ўсходняй ускраіне Слоніма (сучасная вуліца Чырвонаармейская).

Заснаваны ў 1669 г., у 1801 г. на месцы былых драўляных пабудоў узведзены мураваныя. Ансамбль ордэна ўключаў Крыжаўзвіжанскі касцёл (не захаваўся) і жылы корпус.

У 1920-1930-я гады ў жылым корпусе размяшчалася польская настаўніцкая семінарыя, пасля Другой Сусветнай вайны — сярэдняя школа № 1.

Касцёл — манументальнае дзвюхвежавае збудаванне. Яго фасады былі ўпрыгожаны каланадай, у інтэр'еры — сюжэтныя фрэскавыя размалёўкі.

Да касцёла прымыкаў жылы корпус — 2 павярховы Г-падобны ў плане будынак, накрыты двухсхільным дахам. Пластыку фасадаў вызначаюць арытмічна размешчаныя лапаткі. Планіроўка галерэйная. Захаваліся часткова скляпеністыя перакрыцці. Пад будынкам на ўсю даўжыню размешчаны скляпеністыя падвалы, таксама мелі галерэйную планіроўку.

• Памяць: Гіст.-дакум. хроніка Слонімскага раёна. — Мн.: БЕЛТА, 2004.— 752 с. — стар. 674.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 413Г000516

• Касцёл Узвіжання Святога Крыжа і кляштар бенедыкцінак (Слонім) на сайце Radzima.org
• Касцёл Узвіжання Святога Крыжа і кляштар бенедыкцінак (Слонім) на сайце Глобус Беларусі (руск.)