Катастрофа ATR 72 у Покхары

Катастрофа ATR 72 у Покхары
Агульныя звесткі
Дата	15 студзеня 2023
Месца	Покхара
Загінулыя	72
Паветранае судна
Мадэль	ATR 72  (фр.) (бел.
Авіякампанія	Yeti Airlines  (англ.) (бел.
Пункт вылету	Катманду
Пункт прызначэння	Покхара
Рэйс	NYT691
Бартавы нумар	9N-ANC
Дата выпуску	2007
Пасажыры	68
Экіпаж	4
Выжылых	0

Катастрофа ATR 72 у Покхары — авіяцыйная катастрофа, якая адбылася побач з міжнародным аэрапортам Покхара  (англ.) (бел. ў Непале 15 студзеня 2023 года. Самалёт ATR 72  (фр.) (бел. авіякампаніі Yeti Airlines  (англ.) (бел., на борце якога былі 68 пасажыраў і 4 члены экіпажа, разбіўся пры заходзе на пасадку^[1].

Гэта самая смяротная авіякатастрофа ў Непале за апошнія 30 гадоў (з часоў катастрофы рэйса 268 пад Катманду ў 1992 годзе  (руск.) (бел.)^[2].

Самалёт ATR 72-500 (серыйны нумар — 754) належаў авіякампаніі Yeti Airlines. Першы палёт борт здзейсніў у 2007 годзе. Самалёт быў абсталяваны рухавікамі Pratt & Whitney Canada PW127F^[1].

Першапачаткова машына належала Kingfisher Airlines  (англ.) (бел. пад рэгістрацыйным нумарам VT-KAJ. Пазней, у 2013 годзе, самалёт быў перададзены Nok Air  (англ.) (бел., дзе яго перапісалі ў HS-DRD. У 2019 годзе набыты Yeti Airlines як 9N-ANC^[3][4].

15 студзеня 2023 года борт выконваў унутраны рэйс з Катманду ў Покхару.

На борце знаходзіліся 68 пасажыраў і 4 члены экіпажа. Сярод пасажыраў былі 15 замежнікаў: 4 расіяніна, 1 ірландзец, 5 індусаў, 2 грамадзяніна Паўднёвай Карэі, 1 француз, 1 аргенцінец і 1 аўстраліец^[5][6].

Краіна	Пасажыры	Экіпаж	Усяго
Непал	53	4	57
Індыя	5	0	5
Расія	4	0	4
Рэспубліка Карэя	2	0	2
Ірландыя	1	0	1
Аргенціна	1	0	1
Аўстралія	1	0	1
Францыя	1	0	1
Усяго	68	4	72

Рэйс вылецеў з Катманду ў 10:33 раніцы па мясцовым часе. Пры заходзе на пасадку ў Міжнародны аэрапорт Покхара самалёт нахіліўся і паваліўся на бераг ракі, якая была побач. Момант катастрофы трапіў на відэа^[7]. Пасля крушэння самалёт загарэўся^[8].

Адны крыніцы паведамлялі пра гібель прынамсі 44 чалавек^[9][10][11], іншыя — усіх 72 на борце^[5][12]. Па звестках некаторых СМІ, выжылі 2 чалавекі, яны ў цяжкім стане^[13].

Пазней стала вядома, што загінулі ўсе. Аднак сярод 72 цел, было знойдзена толькі 68^[5]

Пасля катастрофы аэрапорт быў зачынены^[14], а ўрад Непала склікаў экстраннае пасяджэнне Кабінета міністраў^[15].

16 студзеня ў Непале абвешчана нацыянальная жалоба^[5]. Авіякампанія Yeti Airlines у знак жалобы адмяніла ўсе рэгулярныя рэйсы, запланаваныя на той дзень^[16].

Створана камісія для расследавання прычын катастрофы. У яе ўвайшлі пяць прадстаўнікоў ваеннай і авіяцыйнай сфер Непала^[5]. На наступны дзень пасля трагедыі быў адноўлены бартавы самапісец^[17].