Царква ў гонар прападобнай Ефрасінні Полацкай (Віцебск)

Праваслаўная царква
Царква ў гонар прападобнай Ефрасінні Полацкай
Царква ў гонар прападобнай Ефрасінні Полацкай
55°12′11″ пн. ш. 30°10′12″ у. д.HGЯO
Краіна	Беларусь
Горад	Віцебск
Канфесія	Беларуская праваслаўная царква
Епархія	Віцебская і Аршанская епархія
Будаўніцтва	2001
Медыяфайлы на Вікісховішчы

Царква ў гонар прападобнай Ефрасінні Полацкай — мураваная праваслаўная царква Віцебска, знаходзіцца на вул. Ленінградская, 34/1-а^[1]. Ніжні храм названы ў гонар святой роўнаапостальнай Ніны^[2].

6 ліпеня 1998 года асацыяцыя ветэранаў вайны ў Афганістане перадала Віцебскай епархіі былы жылы двухпавярховы дом у аварыйным стане. Пасля рэканструкцыі будынка 7 красавіка 2001 года была адслужана першая літургія.

Са снежня 2001 года настаяцелем храма прызначаны іерэй Аляксандр Лесавой.

У 2002 годзе настаяцелем уладкавана трапезная, створаны пакой для нядзельнай школы. У студзені 2007 года на храме ўсталяваны купал, а ў лютым 2007 года — крыж. У 2008 годзе падлога храма выкладзена пліткай. У 2010 годзе пабудавана званіца і на яе ўсталяваны купал. У 2011 годзе рэканструкцыя будынка цалкам завяршылася^[3].