Christopher Howgego

Christopher Howgego

Biografía
Nacemento	1957 (67/68 anos)
País de nacionalidade	Británica
Educación	Universidade de Oxford
Q89547790	- Estudos da moeda da Antiga Roma e da Antiga Grecia. - Conservador do museo Ashmolean, de Oxford.
Actividade
Campo de traballo	Numismática e museística
Ocupación	numismático
Empregador	Universidade de Warwick
Premios
- (1996): Premio Lhotka, da Royal Numismatic Society. - Medalla de prata da Sociedade Numismática Norueguesa.

Christopher J. Howgego é un numismático británico especializado na moeda da antigüidade, conservador do gabinete numismático do museo Ashmolean, da Universidade de Oxford.^[1]

Howgego é tamén, desde 1988, profesor de Numismática Grega e Romana no Wolfson College, da mesma universidade, e profesor honorario da Universidade de Warwick.^[2]

Na literatura científica é citado frecuentemente como C. J. Howgego.^[3]

O seu centro de interse como investigador é a moeda antiga como elemento que contribúe ao entendemento da historia. O seu primeiro libro versaba sobre as contramarcas da moeda provincial romana, utilizadas como elemento de datación para investigar as relacións entre as cuñaxes e os exércitos, as migracións, a inflación e a función do diñeiro.^[1]

A partir de aí, ocupouse nas súas investigacións de temas como os motivos das civilizacións antigas para cuñaren moeda, a subministración e o uso do diñeiro no mundo romano, a circulación monetaria e a súa vinculación coa economía na Antiga Roma ou a relación entre a cuñaxe de moeda e a identidade nas provincias romanas do Imperio.^[1][4] Howgego foi fundador e un dos directores de Roman Provincial Coinage Online e, xunto con Andrew, dirixiu tamén o proxecto Coin Hoards of the Ronman Empire ("Achados monetarios do Imperio Romano").^[5][6][7] Participa, así mesmo, como editor nas series Roman Imperial Coinage e Roman Provincial Coinage.^[1][2][8]

Ingresou no museo Ashmolean en 1988, inicialmente como conservador das moedas da Antiga Grecia e da Antiga Roma, e en 2005 ascendeu a responsable da sala Heberden de moedas.^[9] Finalmente, en 2006 foi nomeado conservador xeral e coordinador de investigación do museo.^[1][2][10]

Howgego é vicepresidente da Real Sociedade Numismática de Londres, membro honorario da Sociedade Real de Numismática de Bélxica e membro correspondente da Sociedade Numismática Americana.^[1]

• (1996): Premio Lhotka, da Royal Numismatic Society, pola súa obra Ancient History from Coins.^[11]
• (2014): Medalla Bjørnstad da Norsk Numismatisk Forening ("Sociedade Numismática Norueguesa").^[1][12]

Esta é unha escolma das monografías e os artigos máis salientables de Cristopher Howgego:^[3][13][14]

• (1985): Greek Imperial Countermarks. Studies in the Provincial Coinage of the Roman Empire. Royal Numismatic Society. Special Publications, 17. ISBN 978-0901405234
• (1995): Ancient History from Coins. Routledge. Routledge. ISBN 978-0415089937
• (2005): Coinage and Identity in the Roman Provinces. Con V. Heuchert e A. Burnett. Oxford University Press. ISBN 978-0199265268

• (1981): "Ionian Magistrates: Caracalla or Elagabalus?". En The Numismatic Chronicle. Vol. 141. Páxinas 147-149.
• (1982): "Coinage and Military Finance: the Imperial Bronze Coinage of the Augustan East". En The Numismatic Chronicle. Vol. 142. Páxinas 1-20.
• (1990): "Why did Ancient States strike Coins?". En The Numismatic Chronicle. Vol. 150. Páxinas 1-25.
• (1992): "The Supply and Use of Money in the Roman World 200 B.C. to A.D. 300". En The Journal of Roman Studies. Vol. 82. Páxinas 1-31.
• (1992): "Greek and Roman coins from Eastern Arabia". Con D. T. Potts. En Arabian Archeology and Epigraphy. Vol. 3. Nº. 3.
• (2002): "The Denarii of Septimius Severus and the Mobility of Roman Coin: A Reply". En The Numismatic Chronicle. Vol. 162. Páxinas 339-342.
• (2013): "The Monetization of Temperate Europe". En The Journal or Roman Studies. Vol. 103. Páxinas 16-45.

• Sala de moedas Heberden, do museo Ashmolean