Guida de Usator de Linux Mint/File e Dossier

Navigator de files Nemo

Nemo es le application que vos permitte navigar per le files de vostre disco dur o de altere computatores connectite per rete.

In le parte sinistre, vos trovarea un vista in formato de arbore que es multo utile pro travaliar con vostre files. Omne systema GNU/Linux salva tote le files in un structura de typo arbore. Unitates como C:, D: non existe; tote cosa depende de un hierarchia de directorios. Solmente pro usatores avantiate: Vos pote aperir le navigator de files Nemo con derectos de administrator per scriber in le terminal: $ sudo nemo. Il es necessari esser prudente pro non deler files del systema per error!

Vias rapide de Nemo

Con le menu Vader, vos pote ir a differente locationes special:

*Retro – Va al ultime directorio visitate, qual que illo sia.

*Avantiar – Va al directorio visitate ante le uso del button Retro.

*Initio – Va al directorio "home" del usator, su dossier personal.

*Computator – Ci vos trovarea vostre discos dur.

*Immunditia – Monstra le files jectate in le immunditia desde le ultime vacuation.

*Rete – Pro navigar inter retes. Anque retes de Windows es visibile.

*Cercar files – Pro cercar archivos o dossiers.

Con le menu Editar, vos pote acceder al Preferentias pro personalisar le comportamento e le stilo de Nemo.

In Vider, inter altere optiones, il ha duo multo utile:

   Barrar lateral, que pote esser activate etiam per premer le clave F9, pro haber in le latere sinistre accessos rapide a locos plus usate. Preme Vider - Barra lateral - Monstrar le barra lateral.

   Sub-fenestra additional, que pote esser activate per premer F3, pro divider Nemo in duo fenestras. Iste function vos permitte facilemente traher files inter differente dossiers. In le menu Vider tu trovara le option Quadro Extra.