Microsoft .NET

Microsoft .NET
instantia de: software framework[*], computing platform[*]
data de creation: 13 februario 2002
sito web official: https://dotnet.microsoft.com/
Commons: .NET Framework

Le framework Microsoft .NET es un componente de programmatura qui pote esser addite o esser includite al systema de operation Microsoft Windows. Illo es le ambiente pro le creation, distribution e execution de tote le applicationes qui supporta iste ambiente. Le technologia .NET (parlate "dot Net") ha essite presentate in 2000 per Microsoft. Al principio ha essite concipite como alternativa a Java, del interprisa Sun Microsystems.

Le concepto del technologia .NET de Microsoft, inter alteres, offere le possibiliatate que le programmatura moderne pote esser executate in un systema de maniera independente al hardware (per exemplo a un PDA o al apparatos mobile).

Iste technologia offere anque solutiones mediofacite pro programmatores e de iste maniera disveloppar del programmatura plus rapidemente.

Le Projecto Mono del interprisa Novell face possibile que le programmatura qui usa le technologia "dot Net" se executa in altere systemas de operation como Linux o le Mac OS X del interprisa Apple.

Un specialitate de iste technologia es que, al differentia de Java, il ha plus de 40 linguages de programmation pro seliger: de C++, C#, o Visual Basic.Net, a Delphi.Net providite per le interprisa Borland.

• Ab februario 2008 le codice del Base Class Library del .NET Framework 3.5 es aperite e sub licentia restringite Shared source. Isto pote adjutar al programmatores pro facer melior programmatura, durante que on pote comprender lo sequente le functiones usque ahora encapsulate.
• Le platteforma .NET es gratuite e pote esser discargate del pagina web de Microsoft.
• Inter altere cosas on ha introducite le Garbage Collector (collector de immunditias o recollector de memoria) qui incarga se carga automaticamente de tempore a tempore de liberar le memoria reservate per le programma e assi evita que iste blocos de memoria remane blocate (Memory Leaks). Iste typo de errores in le passato esseva multo difficile a trovar.
• Le linguages de programmation pote esser miscite in differente projectos.
• On debe installar lo in systemas vetere, per exemplo Windows 2000. In Windows Vista e Windows Server 2003 illo jam es preinstallate.
• Le version 3.5 es plus grasse de 150 MB.
• Como que il ha un nove nivello inter le systema de operation e le programmatura le tempore de execution es un pauc plus lente que un programmatura con codice native.

Un programma qui ha essite compilate con le technologia .NET ha le extension standard ".exe" sed le file non contine codice native sed un codice intermedie nominate CIL (Common Interface Language), antea nominate MSIL (Microsoft Intermediate Language). Iste codice intermedie es interpretate per le CLR (Common Language Runtime) e passa le datos al systema de operation. Le CLR es le corde de .NET.

Le technologia .NET contine altere technologias e bibliothecas del quales le programmatura .NET pote prender avantage:

Base Class Library - BCL (Bibliotheca de classes basic)

Contine objectos e functiones pro leger archivos, encryptation de datos, tractamento de documentos XML, inter alteres.

ADO.NET

Communication con bases de datos como Microsoft SQL Server o Oracle inter alteres.

ASP.NET

Technologia pro crear paginas web dynamic.

Windows Forms

Interfacie del usator (buttones, fenestras, etc.)

Iste pagina contine material traducite ab Wikipedia in catalano. Le articulo original se trova a ca:Microsoft .NET, e es usate secundo le mandatos del licentia de Wikipedia.