T.R.I.A.D

T.R.I.A.D
T.R.I.A.D
	; The Rock
Latar wuri
Lair	Jakarta, Indonésia
Jinis Musik	Rock-alternatif; Swing-Jazz
Taun aktif	2007-sapunika
Parusahan rekaman	EMI Music Indonésia,Pelangi Record
Situs resmi	http://www.therockindonesia.com/
	Anggota
	Ahmad Dhani; Cameria Happy Pramita; Tharaz Bistara; Princes Amanda; Ikmal Tobing; Wahyu Sudiro

T.R.I.A.D (rumiyin The Rock) inggih punika band ingkang aliranipun rock ingkang wonten ing Indonésia.^[1] Band punika kalebet proyek sampingan saking personil Déwa 19, Ahmad Dhani, lan taksih ing ngandhapipun manajemen Républik Cinta, kados déné Dewi Dewi lan Andra and The BackBone.^[1] Anggota sanèsipun inggih punika tilas anggota band underground saking Australia, Fire Shark, inggih punika Mark Williams, Zachary Haidee-Keene, Michael Bennett, Clancy Alexander Tucker.^[1] Album ingkang nomer satunggal Master Mister Ahmad Dhani I ingkang dipunrilis tanggal 30 Agustus 2007.^[1] Album kasebat ndadosaken hits "Munajat Cinta".^[1]

Biografi

Wiwitanipun

Wiiwtanipun damel grup The Rock punika nalika Ahmad Dhani taksih ngrekam albumipun ing salah satunggalipun studio ing Australia, lan kepanggih keliyan anggota Fere Shark.^[2] Ide kolaborasi damel The Rock wiwitanipun saking wawan pangandikan antawisipun Dhani kaliyan gitaris Fere Shark, Clancy Alexander Tucker.^[2] Amargi Dhani kaliyan Fire Shark sami-sami péngin go international, salajengipun dipunwujudaken grup musik énggal ingkang dipunparingi nama The Rock.^[2] Nanging Dhani boten badhé nilaraken Déwa 19 lan Fire Shark ugi boten bibar.^[2]

Master Mister Ahmad Dhani I

Album ingkang nomer satunggal, Master Mister Ahmad Dhani I, dipunrilis nalika tanggal 30 Agustus 2007.^[2] Album punika gadhah isi 3 lagu ingkang enggla inggih punika "Munajat Cinta", "Kamu-kamulah Surgaku", lan "Aku Bukan Siapa-Siapa". Kajawi punika album punika ugi kaisi saking lagu sanèsipun ingkang kalebet aransemen malih (remix) lagu-lagu ingkang sampun lawas ingkang dipunripta déning Ahmad Dhani saking Déwa 19, Ahmad Band, lan lagu ingkang naté dipunnyanyikaken déning Ari Lasso, "Rahasia Perempuan".^[2] Sepalih saking lagu ing album punika aliranipun rock, nanging ugi wonten aransemen ingkang aliranipun swing.^[2] Singel saking album punika inggih punika "Munajat Cinta" ingkang dados hits.^[2]