បឹងកក់
បឹងកក់ គឺជាបឹងនៃរាជធានីភ្នំពេញ គិតចាប់ពី សង្កាត់ស្រះចក ខណ្ឌដូនពេញ ទៅទល់នឹង ខណ្ឌទួលគោក។
ផលប៉ះពាល់
អ្នកស្រី ហេង មុំ អ្នកភូមិបឹងកក់ម្នាក់បានមានប្រសាសន៍ថា ប្រាក់សំណងមិនគ្រប់គ្រាន់ទេដើម្បីដីធ្លីនៅជុំវិញរាជធានីភ្នំពេញ។
ប្រវត្តិទីកន្លែងគួររំឭកថា តំបន់បឹងកក់ ដើមឡើយគឺជាបឹងធម្មជាតិមួយ ដែលមានផ្ទៃក្រឡា ទំហំប្រមាណជា ១០ហិកតា នៅរដូវប្រាំង និង ជាអាងស្តុកទឹក ដ៏ធំមួយ របស់រាជធានីភ្នំពេញ ដែលអាច ជួយការពារទប់ទល់ នូវការលិចលង់នៅក្នុងទីក្រុង ដែលបណ្តាលមក ពីជំនន់នៃទឹកភ្លៀង ព្រោះនៅក្នុងរដូវវស្សា បឹងកក់ មានវិសាលភាពធំទូលាយ គ្របដណ្តប់ លើដីវាលទំនាប ជុំវិញជាប់មាត់បឹង រហូតដល់ជាង ១០០ហិកតា ។ ឆ្នាំ១៩៨៧ បឹងនេះ ត្រូវបានបង្កើត ទៅជាតំបន់រមណីយដ្ឋានវប្បធម៌ និងធម្មជាតិ និងមជ្ឈមណ្ឌលកំសាន្ត ដែលគ្រប់គ្រងដោយ គណៈកម្មាធិការប្រជាជនបក្សដិវត្តន៍រដ្ឋធានីភ្នំពេញ ពេលនោះប្រជាពលរដ្ឋ ក្នុងទីក្រុងភ្នំពេញ បានចាប់ផ្តើម ដើរលំហែរកាយនៅទីនេះ។ ប៉ុន្តែក្រោយមក នៅចន្លោះឆ្នាំ១៩៩០ ដល់ឆ្នាំ១៩៩៣ ប្រជាពលរដ្ឋ រាប់រយគ្រួសារ ដែលបានធ្វើមាតុភូមិនិវត្តន៍ ពីជុំរុំជនភៀសខ្លួននានា ជាប់ព្រំដែនថៃ បាននាំគ្នាមកបោះតាំងទីលំនៅ ក្នុងតំបន់នេះ ដោយមានការដឹងឮ និងទទួលស្គាល់ ពីអាជ្ញាធរមូលដ្ឋាន ក្នុងតំបន់នោះ។ ការហូរចូល នៃអ្នកចំណូលថ្មី កាន់តែច្រើនឡើងៗ ពិសេសក្រោយថ្ងៃផ្ទុះអាវុធ ០៦កក្កដា ១៩៩៧ បានធ្វើឲ្យចំនួនប្រជាពលរដ្ឋ កើនឡើងរហូតដល់ ប្រមាណជា ៤២៥២ គ្រួសារ។ ដោយភាពចាំបាច់ និងតម្រូវការអភិវឌ្ឍន៍ រដ្ឋាភិបាល កាលពីថ្ងៃទី០៧ ខែសីហា ឆ្នាំ២០០៨ បានសម្រេចធ្វើអនុបយោគទីតាំងបឹងកក់ ពីទ្រព្យសម្បត្តិសាធារណៈ របស់រដ្ឋ ទៅជាទ្រព្យសម្បត្តិឯកជន របស់រដ្ឋ ដោយប្រគល់អោយក្រុមហ៊ុន ស៊ូកាគូអ៊ីន ជាអ្នកអភិវឌ្ឍ ក្នុងរយៈពេល៩៩ឆ្នាំ ជាមួយនឹងទឹកប្រាក់ចំនួន ៧៩.០០២.០០០ដុល្លារ។ បន្ទាប់ពីមានការអភិវឌ្ឍនៅតំបន់បឹងកក់នេះ គេចាប់ផ្ដើមឃើញមានភាពមិនប្រក្រតីជាច្រើនផងដែរ។ មើលផងដែរ |
Portal di Ensiklopedia Dunia