Microsoft .NET Framework
 ក្រុមហ៊ុន Microsoft ចាប់ផ្ដើមបង្កើត .NET Framework ដំបូងក្នុងកំឡុងឆ្នាំ ១៩៩០ ដែលពេលនោះត្រូវបានហៅឈ្មោះថា Next Generation Windows Services (NGWS)។ ក្នុងឆ្នាំ ២០០០ ជំនាន់ .NET ១.០ ត្រូវបានដាក់ចេញឲ្យប្រើប្រាស់សាកល្បង។ [១] ជំនាន់ .NET Framework ៣.០ ត្រូវបានដាក់បញ្ចូលទៅក្នុងកញ្ចប់ Windows Server 2008 និង Windows Vista. ជំនាន់ ៣.៥ ត្រូវបានដាក់បញ្ចូលទៅក្នុង Windows 7 ។ ជំនាន់ទាំងនេះអាចធ្វើការដំឡើងសម្រាប់ត្រកូលប្រព័ន្ធប្រតិបត្តិការណ៍ Windows XP និង Windows Server 2003 ផងដែរ.[២] ថ្ងៃទី ១២ ខែ មេសា ឆ្នាំ ២០១០ ជំនាន់ .NET Framework ៤.០ ត្រូវបានដាក់បញ្ចូលនៅក្នុង Visual Studio 2010. គ្រួសារ .NET Framework បានរាប់បញ្ចូលនូវជំនាន់ពីរទៀតគឺ mobile ឬ Embedded device ។ .NET Compact Framework ជាជំនាន់ដែលបានកាត់ផ្នែកសំខាន់ៗខ្លះនៃ Framework ដែលត្រូវបានដាក់បញ្ចូលទៅក្នុង Windows CE និង Windows Mobile ដូចជា smartphones ជាដើម ។ លើសពីនេះទៅទៀត .NET Micro Framework គឺជាកញ្ចប់ ដ៏សម្បូរបែបមួយសម្រាប់ឧបករណ៍ទំនើបៗនាពេលបច្ចុប្បន្ន។. ទិដ្ឋភាពទូទៅសម្រាប់បញ្ជីនៃជំនាន់ Microsoft .NET Framework អាចស្វែករកបានតាមរយៈតំណភ្ជាប់នេះ .NET Framework. .NET Framework 1.0នេះជាជំនាន់ដំបូងនៃ NET Framework បានចេញផ្សាយឲ្យប្រើប្រាស់ជាផ្លូវការនៅ ថ្ងៃទី ១៣ ខែ កុម្ភៈ ឆ្នាំ ២០០២ និងអាចរកបានសម្រាប់ Windows 98, ME, NT 4.0, 2000, និង XP ។ Microsoft បានស្ថាបនាជំនាន់នេះ ហើយបញ្ចប់ជាស្ថាពរនៅ ថ្ងៃទី ១០ ខែ កក្កដា ឆ្នាំ ២០០៧ និង ធ្វើការកែតម្រូវបន្ថែមបញ្ចប់នៅ ថ្ងៃទី ១៤ ខែ កក្កដា ឆ្នាំ ២០០៩ ជាមួយនឹងការចាប់កំហុសនៃ XP Media Center និង Tablet PC ។[៣]
References
|
Portal di Ensiklopedia Dunia
