Љупко Петровиќ

Љупко Петровиќ
	Љупко Петровиќ како тренер на ЦСКА Софија во 2019 година
Лични податоци
Полно име	Љубомир Петровиќ
Роден на	15 мај 1947 (78 г.)
Роден во	Брусница Велика, НР Босна и Херцеговина, ФНРЈ
Позиција	напад
Кариера*
Тренер на екипи
1982–1984	НК Осијек (млади)
1984	ФК Еспањол
1984–1987	НК Осијек
1987–1988	ФК Спартак Суботица
1987	Југославија до 18]
1988	Југославија до 21
1988–1990	ФК Војводина
1990	ФК Рад
1990–1991	ФК Црвена Ѕвезда
1991	ФК Еспањол
1992	ФК Пењарол
1992–1993	ФК ПАОК
1993	ФК Олимпијакос
1994–1996	ФК Црвена Ѕвезда
1996	ФК ГАК
1996–1997	ФК Војводина
1998–1999	ФК Ал Ахли Дубаи
1999–2000	ФК Шангај Шенхуа
2000–2001	ФК Левски Софија
2002–2003	ФК Пекинг Гуоан
2003–2004	ФК Литекс Ловеч
2004	ФК Црвена Ѕвезда
2005–2007	ФК Литекс Ловеч
2008	ОФК Београд
2008	НК Кроација Сесвете
2008–2009	ФК Војводина
2010–2011	НК Локомотива
2011–2013	ФК Тараз
2013	Akzhayik
2015	ФК АПР
2015	ФК Литекс Ловеч
2016	ФК Левски Софија
2017	ФК Тањ Хоа
2018	ФК АПР
2018–2019	ФК ЦСКА Софија
2019	ФК ЦСКА Софија

Љубомир Љупко Петровиќ (роден на 15 мај 1947 година) — српски професионален фудбалски тренер и поранешен играч. Тој исто така има и босанско-херцеговски пасош.

Како тренер, најголемиот успех на Петровиќ било освојувањето на Европскиот куп во сезоната 1990-1991 со Црвена Ѕвезда од Белград.

Играчка кариера

Роден во Брусница Велика (село во близина на Босански Брод) во Босна и Херцеговина, Југославија, Петровиќ, започнал да игра за НК Дарда и потоа се преселил во НК Осијек вокаде се натпреварувал во текот на најголемиот дел од својата кариера. По неговата кариера во Осијек, тој исто така поминал извесно време во Соединетите Држави.

Тренерска кариера

Како тренер, тој во првите години ги водел екипите на НК Осијек, ФК Спартак Суботица, ФК Рад, ФК Војводина и Црвена Ѕвезда од Белград, со која екипа го освоил Европскиот куп во 1991 година.

Тој исто така бил тренер и на ФК Еспањол од Шпанија, уругвајскиот Калифорнија Пењарол, австрискиот Гразер АК и кинескиот Шангај Шенхуа и Пекинг Гуано .

Тој повторно, во два наврати бил тренер на Црвена Ѕвезда, пред да се пресели во Бугарија во 2000-тите, како тренер на ПФЦ Левски Софија, а подоцна и на ПФЦ Литекс Ловеч . Тој се вратил во Србија во март 2008 година за да стане менаџер на ОФК Београд, но си дал оставка од оваа позиција еден месец подоцна.

На 2 јули 2008 година, Петровиќ станал главен тренер на хрватската екипа од Првата лига, Хрватска Сесвет, со што станал првиот српски тренер кој бил на чело на некој хрватски тим по крајот на Југословенските војни.

На 23 декември 2008 година, тој бил назначен за главен тренер на неговиот поранешен тим ФК Војводина од Нови Сад, освојувајќи ја титулата во српската Суперлига за сезоната 2008-09 . Сепак, откако освоил само еден бод во првите два натпревари од вториот дел од сезоната, тој поднел оставка од оваа позиција на 8 март 2009 година. Во 2010 година тој го тренирал хрватскиот клуб НК Локомотива, клуб на хрватскиот фудбалски гигант ГНК Динамо Загреб .

Во летото 2015 година, Петровиќ го водел Литекс Ловеч на три натпревари, доведувајќи ги на првото место и во пласман на ПФГ 2015-16, но го напуштил тимот на почетокот на август поради семејни причини.^[1] На почетокот на декември се вратил во екипата од Ловеч уште еднаш, откако позицијата менаџер била испразнета од Лоренсиу Реџемампф . Петровиќ ги предводел во 1/2 финалето на Купот на Бугарија . Како и да е, на крајот се покажало дека е уште едно краткотрајно назначување за српскиот селектор, бидејќи Литекс бил избркан од АФП од Бугарскиот фудбалски сојуз, поради нередите против Левски Софија што се одржало на 12 декември.^[2]^[3]

Во мај 2016 година, тој бил претставен како нов менаџер на Левски Софија, заменувајќи го Стојчо Стоев .^[4] Тој го напуштил Левски на 22 октомври 2016 година.^[5]

По Левски тој бил тренер и во виатнемскиот клуб Танх Хоа ФК и АПР ФК од Руанда .

Во декември 2018 година, Петровиќ станал консултант во ПФЦ ЦСКА Софија .^[6]

Од 21 јули 2019 година тој е официјално главен тренер на ПФЦ ЦСКА Софија, на местото на Добромир Митов кој станал негов асистент.

ФК Сараево

На 8 април 2014 година, Петровиќ бил најавен за наследник на неодамна отпуштениот хрватски менаџер Роберт Јарни како шеф на тимот на ФК Сараево .^[7]

Сепак, само два дена после тоа, во босанските медиуми избувнала слика на управителот и починатиот српски паравоен командант Аркан, прикажувајќи како Петровиќ држи оружје.^[8] Ова резултирало со брза прес-конференција каде членовите на одборот на ФК Сараево изјавиле дека нема да биде потпишан договор со Петровиќ.

Самиот управител се согласил на решението, наведувајќи ја можноста за затегнати услови за работа по неочекуваното објавување. Тој сепак не тврди дека е вмешан во југословенските војни, ниту во паравоените активности на Аркан.^[9] Петровиќ управувал со ФК Сараево само еден ден, спроведувајќи единствен тренинг со играчите. Автентичноста на фотографијата подоцна била доведена до сомнеж.^[10]