Александра Пријовиќ

Александра Живојиновиќ (моминско Пријовиќ ; Сомбор, 22 септември 1995 година ) е српска поп-фолк пејачка која станала популарна во раните 2010 -ти благодарение на Ѕвездите на Гранд . Три од нејзините песни што ги објавила до 2017 година биле во топ 5 хитови на годината во Србија. Во октомври 2016 година, Александра поставила домашен рекорд во брзината за која видеото достигна милион прегледи на YouTube, благодарение на песната Сенке, која таа бројка ја достигнала за помалку од 24 часа.^[1] Александра важи за најбараната пејачка на Гранд продукција, како и една од најпопуларните пејачки во Србија.

Таа е родена во 1995 година во Сомбор, а израснала во Бели Манастир во Хрватска и Бачка Топола. Моментално живее во Белград . Уште како мала покажала талент за пеење. Настапувала на училишни настани и друштвени настани. На тринаесет години снимила две песни (Мајка и Боли свака твоја реч) во продуцентската куќа, чиј сопственик бил Милорад Миќа Николиќ.^[2]

Во Ѕвездите на Гранд во сезоната 2012/13. година го освоила четвртото место, каде како награда ја добиле песната Још вечерас плакаћу за тобом. Истата година го снима дуетот Ма пусти понос со победникот од таа сезона Амар Јашарспахиќ . Следната година таа постигала голем успех со песната За нас касно је, за што песната беше избрана за еден од најголемите хитови во 2015 година. Во декември 2015 година го сними дуетот Шта би со МС Стојан и го претстави спотот за истиот.^[3] На крајот на мај 2016 година, ја објавила песната Тотална анестезија, која била голем успех бидејќи достигна 50 милиони прегледи на YouTube. На 25 октомври истата година ја претставила песната Сенке, која за 24 часа била преслушана милион пати на Јутјуб, со што го соборила рекордот на српската музичка сцена.^[1]

Првиот сингл од албумот Тестамент е истоимената песна со која Пријовиќ започнала да го промовира албумот, објавена на 6 јуни 2017 година. Песната станала најпопуларна на албумот, покрај сингловите кои Александра ги снимила порано и ги вклучила на албумот. Медиумите тврделе дека овој албум се повеќе Александра потсетува на стилот на фолк ѕвездата Светлана Ражнатовиќ.^[4] YouTube го забранило гледањето на провокативното садо-мазо видео за песната Сепаре за под 18 години, чиишто снимки потсетуваат на 50 нијанси на сиво.^[5]

Александра се нашла во центарот на вниманието на јавноста кога ја открила врската со Филип Живојиновиќ, синот на Боба Живојиновиќ од првиот брак. Парот се венчал на 21 јуни 2018 година во Белград . Тие го добиле синот Александар на 6 февруари 2019 година.

• Тестамент (2017)
• Звук тишине (2022)
• TBA (2023)

• Још вечерас плакачу за тобом (2013)
• Ма пусти понос (ft. Амар Гиле Јашарспахиќ, 2013)
• За нас касно је (2014)
• Шта би (ft. МС Стојан, 2015)
• Тотална анестезија (2016)
• Сенке (2016)
• Успомене (2017)
• Литар вина, литар крви (ft. Ацо Пејовиќ, со поддршка на Дејан Петровиќ, 2017)
• Ко си ти (ft. Саша Матиќ, 2018)
• Непоновљиво (2019)
• Богата сиротиња (2019)