Бомбашки напад во Истанбул (2016)

41°0′21.24″N 28°58′31.43″E / 41.0059000°N 28.9753972°E / 41.0059000; 28.9753972

Бомбашки напад во Истанбул
Место	Плоштад Султанахмед, Фатих, Истанбул, Турција
Датум	12 јануари 2016
Цел	странски туристи
Вид напад	Самоубиствен напад
Мртви	11 (вклучувајќи го напаѓачот))[1]
Повредени	15[1]
Сторители	ИСИЛ
Број	1 (Набил Фадил)

Бомбашкиот напад во Истанбул — самоубиствен напад кој се случил на 12 јануари 2016 година на плоштадот Султанахмед во Истанбул, Турција^[2][3][4], во околу 10:20 часот. Нападот резултирал со 11 жртви, вклучувајќи го и напаѓачот Набил Фадил, како и 15 повредени^[1][5][6][7].

Бомбашот самоубиец Набил Фадил бил по потекло од Сирија, роден во 1988 година и член на Исламска држава (ИДИЛ)^[8].

Нападот го извршил сириски бомбаш, кој се разнел^[9] во непосредна близина на група туристи на плоштадот Султанахмет^[10], пред обелискот на Теодосиј^[8] во непосредна близина од влезот на Сината џамија.

Според изворите на медиумите, од вкупно 10 жртви, 9 биле германски туристи^[11] додека 1 бил перуански^[12]. Од повредените 15 туристи, 6 се Германци, 1 Норвежанец, 1 Перуанец и Јужнокореец^[13].

Турскиот претседател Реџеп Таип Ердоган го осудил терористичкиот инцидент во Истанбул додека турскиот премиер Ахмет Давутоглу веднаш свикал итен безбедносен состанок со клучните министри и функционери^[10].