Википедија:Фотографска соработка Македонија-Јапонија

Македонија	Јапонија

Фотографска соработка Македонија-Јапонија — фотографска соработка на македонските викимедијанци од Споделено знаење и јапонски поединци од корисничката група „Викимедиин азиски месец“, која имала за цел промовирање на културното и природното богатство на Јапонија преку организирање изложби на слободни фотографии достапни на Ризницата. Во склоп на соработката биле приредени и уредувачки потфат во насока на подобрување на содржините за Јапонија на Википедија на македонски јазик.

Одбирањето на фотографиите кои ќе ја претставуваат Јапонија беше сторено од страна на јапонски поединци викимедијанци, на чело со Такаши Ота, од корисничката група „Викимедиин азиски месец“ во април 2021. Подготовката на јапонскиот текст беше помогната од надворешното лице Џозеф Корам во август 2021.

Во периодот од 22-29 ноември 2021 година, во просториите на заедничката галерија на Кинотека на Македонија и Детски ликовен центар во Скопје, била одржана изложба на 30 фотографии кои го прикажуваат природното и културното наследство на Јапонија. Преглед на фотографиите коишто биле изложени е направен во продолжение.

Фотографија	Опис	Автор	Лиценца
Култура
	Свадбено кимоно	Dave Jenkins	CC-BY-SA 3.0
	Кото	Smgregory	CC-BY-SA 3.0
	Палто од островот Хокаидо од 19 век	Daderot	слободно дело
	Ветерно ѕвонче фурин	Michalkun	CC-BY-SA 2.5
	Инро (украсна кутија) од периодот едо, 19 век	непознат	слободно дело
Кујна
	Јапонски слатки вагаши	Douglas Perkins	CC-BY-SA 1.0
	Домашно зготвено бенто	Kunchan	CC-BY-SA 3.0
	Тамаго каке гохан, цукемоно, супа од мисо	毛抜き~commonswiki	CC-BY-SA 3.0
	Хирошимско окономијаки	Naocchi	CC-BY-SA 3.0
	Суши	Yumi Kimura	CC-BY-SA 2.0
Архитектура
	Пешачкиот премин во Шибуја	Benh LIEU SONG	CC-BY-SA 2.0
	Селото Ширакава во префектурата Гифу	663highland	CC-BY-SA 3.0
	Портата Кабукичо Ичибан-гај	Kakidai	CC-BY-SA 4.0
	Дворец Химеџи	Niko Kitsakis	CC-BY-SA 4.0
	Големиот сетски мост	Kanchi1979	CC-BY-SA 4.0
	Токиско небесно дрво	Kakidai	CC-BY-SA 3.0
	Споменик на мирот во Хирошима	Oilstreet	CC-BY-SA 3.0
	Шинџуку	Morio	CC-BY-SA 3.0
Религија
	Хајденот (сала за обожување) во Изумо-тајша	Saigen Jiro	CC-BY-SA 1.0
	Светилиштето Фушими Инари-тајша	Paul Vlaar	CC-BY-SA 3.0
	Цветови на цреши кај храмот Нина-џи	Kumamushi	CC-BY-SA 3.0
Географија
	Планината Фуџи и пагодата Чуреи-то	Reginald Pentinio	CC-BY-SA 2.0
	Песочниот појас Аманохашидате	663highland	CC-BY-SA 3.0
	Огнометен фестивал над Езерото Сува	信州高原青馬写真クラブ	CC-BY-SA 3.0
	Село во островот Такетоми	ippei & janine naoi	CC-BY-SA 2.0
	Островот Хашима во префектурата Нагасаки	Koji 12	CC-BY-SA 4.0
	Циркот Карасава	Clocs,N	CC-BY-SA 3.0
	Мајмунскиот парк Џигокудани	Motokoka	CC-BY-SA 4.0
Уметност
	Ненадеен порој над мостот Шин-Охаши и Атаке	Хирошите Утагава	слободно дело
	Големиот бран кај Канагава	Кацушика Хокусај	слободно дело

На 22 ноември 2021 година, како резултат на соработката помеѓу Споделено Знаење и јапонската викимедиска заедница, свечено била отворена изложбата на фотографии насловена „Јапонија низ фотографии - Запознај ја Јапонија“. Пред околу 25 присутни, биле одржани кратки воведни говори за значењето на Википедија, соработката помеѓу македонската и јапонската викимедиска заедница и претставувањето на геополитичката анализа за развојот на односите и соработката помеѓу Македонија и Јапонија, по што присутните имале можност да ги погледнат 30 слики од културата, кујната, природата, историјата, регијата и градбите во Јапонија.

На 23 ноември 2021 година е одржан уредувачки маратон на тема „Јапонија“ во просториите на МладиХаб во Скопје со почеток од 14:00 часот.

Список на учесници

• (Н) — новосоздадена статија
• (П) — подобрена статија

Галерија