Вилдпретова волчја опашка

Вилдпретова волчја опашка
Вилдпретова волчја опашка на островот Тенерифе
Научна класификација
Царство:	Растенија
Нерангирано:	Скриеносемени
Нерангирано:	Евдикоти
Нерангирано:	Астериди
Ред:	(неназначено)
Семејство:	Лисичинки
Род:	Волчја опашка
Вид:	Вилдпретова волчја опашка
Научен назив
Echium wildpretii H.Pearson ex Hook.f.

Вилдпретова волчја опашка (науч. Echium wildpretii) — двегодишно растение кое достигнува до 3 м во височина. Видот е ендемски на островот Тенерифе, и вирее главно во клисурите на планината Теиде. Растението се нарекува и кула од драги камења, црвена волчја опашка, тенерифска волчја опашка или теидска волчја опашка.^[1] На шпански растението се нарекува „тахинасте“ (tajinaste).

Растението може да се најде во субалпскиот појас, во клисурите на планината Теиде. Бара многу сонце и вирее во суви и пусти предели, но трпи мраз сè до температура од -15 °C.

Ова двегодишно растение во првата година дава густа розета од листови, а во втората исправено соцветие со височина од 1-3 м.

Растението на Тенерифе цути од доцна пролет до раниот период од летото.

Растението се одгледува во градините за украс, но не трпи ниски температури. Како и другите волчји опашки, ова растение е ценето во пчеларството бидејќи дава многу нектар и полен.

• Обична волчја опашка — видот што вирее во Македонија

• Вилдпретовата волчја опашка на Ризницата ^?
• „Вилдпретова волчја опашка“ — Енциклопедија на живиот свет
• Информации за Вилдпретовата волчја опашка и форум на одгледувачи (англиски)