Владимир Цветковиќ

Владимир Цветковиќ

Цветковиќ во дресот на југословенската репрезентација на Олимписките игри во Мексико, 1968 г.
Лични информации
Роден	Лозница, Србија
Националност	Србин
Информации за кариера
Играчка кариера	1959–1972
Позиција	Напаѓач
Историјат на кариера
1959–1972	КК Црвена ѕвезда

Владимир Цветковиќ (српски: Владимир Цветковић, 24 мај 1941) е поранешен српски и југословенски кошаркар и спортски функционер.

Цветковиќ настапувал за KK Црвена Ѕвезда во текот на 13 сезони при што двапати бил првак на СФРЈ, а еднаш го освоил националниот куп.

Цветковиќ бил член на југословенската репрезентација која го освоила својот прв олимписки медал на Олимписките игри во Мексико, во 1968 година.^[1] Во полуфиналето, СФРЈ играла против репрезентацијата на СССР, а Цветковиќ дал пресуден придонес за победата на својата екипа. Имено, на седум секунди пред крајот, при резултат 61:61 за СФРЈ, тој погодил две слободни фрлања, зголемувајќи го водството на 63:61, а меѓу двете фрлања го бакнал свадбениот прстен за среќа. На крајот, натпреварот завршил со резултат 63:62 и така југословенската репрезентација се пласирала во олимпиското финале, каде изгубила од репрезентацијата на САД со резултат 50:65.

Покрај овој успех, со југословенската репрезентација, Цветковиќ ги освоил и сребрен медал на светските првенства во 1963 и 1967 година, како и сребрен медал на европското првенство во 1969 година.