Влахина Река

Влахина Река; Кркиица
	Долината на Влахина Река кај нејзиниот истек од Влахинските Езера, гледана од Кабата
Местоположба
Место	Пиринска Македонија, Бугарија
Физички особености
Извор
• место	Влахини Езера, Пирин
• надм. вис.	2.302 м
Устие
• место	Струма кај Кресна
• координати	41°43′49″N 23°09′19″E / 41.7303°N 23.1553°E
• надм. вис.	180 м
Должина	27 км
Големина на сливот	108 км2
Проток
• просечен	1,69 м3/с
Особености на сливот
Течение	Струма→ Егејско Море

Влахина Река или Влахинска Река (бугарски: Влахина Река, Влахина река); до 14 јули 1988 г. Кркиица (Къркийца)^[1] — река во Кресненско, Пиринска Македонија, лева притока на Струма. Долга е 27 км и одводнува делови од западните падини на Пирин.

Реката извира од северозападниот агол на највисокото (2.302 м.н.в.) и најголемото од Влахините Езера на Пирин, сместени во истиоиениот цирк, југозападно од Вихрен (Елтепе). Најпрвин тече низ длабока ледничка долина, заобиколувајќи го од исток, север и запад пиринскиот срт Гредаро, па продолжува на југозапад во мошне пошумено подрачје. Откако ќе сврти на запад близу маалото Дракулово на с. Влахи, долината станува пуста и силно еродирана. Се влева во Струма како нејзина лева притока, на 180 м.н.в., некои 300 м североисточно од градот Кресна.

Сливот на Влахина Река зафаќа 108 км², што сочинува 0,62 % од сливното подрачје на Струма.

Главни притоки: → лева, ← десна

→ Гредарска Река
→ Ѓорѓиица
→ Синаница
← Пештерско Дере
→ Раскола
→ Шаралиска Река
← Косовска Река (најголема)
← Рабишево Дере

Се напојува главно дожд и стопен снег. Полноводност достигнува во мај, а најслабоводна е во август. Средниот годишен истек во устието изнесува 1,69 м³/с, а во периодот на топење на снегот количеството на вода знае да биде десетратно поголем (највисок забележан истек е 14,6 м³/с. Средниот наклон на реката изнесува 81 ‰.

По течението на реката в Општина Кресна е сместено само селото Влахи, по кое е наречена самата река.

Дел од водите на Влахина Река во горното течение се користат за водоснабдување на Кресна и неколку села во околината.

Извори

Мичев, Н и Ц. Михайлов, И. Вапцаров и Св. Кираджиев, Географски речник на България, София 1980 г., стр. 114 – 115.

Поврзано

Влахински водопад

Наводи

↑ Научноинформационен център „Българска енциклопедия“ (2015). Промени в наименованията на физикогеографските обекти в България 1878 – 2014 г. София: Книгоиздателска къща „Труд“. стр. 44. ISBN 978-954-398-401-5.