Волкојанево

Волкојанево Λύκοι
Волкојанево
Местоположба во областа Волкојанево Местоположба на Волкојанево во општината Воден и областа Централна Македонија
Координати: 40°50.36′N 21°59.76′E / 40.83933°N 21.99600°E / 40.83933; 21.99600
Земја	Грција
Област	Централна Македонија
Округ	Постол
Општина	Воден
Општ. единица	Воден
Надм. вис.	&10000000000000680000000680 м
Население (2011)[1]
• Вкупно	65
Час. појас	EET (UTC+2)
• Лето (ЛСВ)	EEST (UTC+3)

Волкојанево или Волкојаново^[2] (грчки: Λύκοι, Лики, до 1926 г. Βουλκογιάννοβον, Волкојановон^[3]) — село во Воденско, Егејска Македонија, денес во општината Воден на Постолскиот округ во Централна Македонија, Грција. Населението брои 65 жители (2011).

Селото се наоѓа 7 км северозападно од градот Воден, на падините на планината Ниџе.

На крајот на XIX век Волкојанево било чисто македонско село во Воденската каза. Во „Етнографија на вилаетите Адријанопол, Монастир и Салоника“, издадена во Цариград во 1878 г. се вели дека во 1873 г. во Волкојаново (Volcoyanovo) има 36 куќи со вкупно 204 жители Македонци^[4].^[5] Според статистиката на Васил К’нчов („Македонија. Етнографија и статистика“) во 1900 година в селото живеят 300 жители Македонци.^[4][6] Во овој период селото било под врховенството на Бугарската егзархија. Според егзархискиот секретар Димитар Мишев („La Macédoine et sa Population Chrétienne“), во 1905 г. во Волкојанево (Volkoyanovo) има 264 Македонци^[4] и работи бугарско училиште.^[7]

Со Букурашкиот договор во 1913 г. селото е припоено кон грчката држава. Во 1924 г.^[8] Дел од македонското население се иселува и на негово место се населени Грци бегалци од Турција. Во 1926 г. селото е преименувано во Лики.^[9] Во 1928 г. Волкојанево е заведено како село со 228 жители^[8] и мешано население. Од овие, 96 жители (23 семејства) биле грчки доселеници-бегалци.^[10] Во 1940 г. селото имало 217 жители, што се должи на иселување на некои од дојдените бегалци^[8]

За време на Втората светска војна селото го окупираат Бугарите и основаат своја општина.^[11]

За време на Граѓанската војна, селото било иселено, а многу од неговите македонски жители активно учествувале во НОФ и ДАГ.^[8] По војната, дел од раселените семејства се вратиле и селото обило обновено. Во подоцнежниот период, Волкојанево бележи намалување на населението поради иселување на извесни семејства во Воден.^[8]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Селото припаѓа на општинската единица Воден со седиште во истоимениот град, која припаѓа на поголемата општина Воден, во округот Постол. Воедно, селото е дел од општинскиот оддел Луковец, во кој спаѓаат и селата Луковец, Почеп и Самар.

Главна стопанска гранка во селото е сточарството, но развиено е и земјоделството, особено одгледувањето на цреши.^[8]