Воспаление на средното уво (латински: otitis media) — група на воспалителни заболувања на средното уво.[2] Два главни типа се акутно воспаление на средното уво (AOM) и воспаление на средното уво со ефузија (OME).[3] AOM е инфекција со брз почеток која вообичаено се одликува со болка во увото.[1] Кај помали деца ова може да резултира со влечење на увото, плачење, и намалено спиење.[1] Исто така можат да бидат присутни и намален апетит и треска.[1] OME вообичаено не е асоциран со одредени симптоми.[1] Понекогаш се опишува чувство на исполнетост во увото.[4] Се дефинира како присуство на неинфективна течност во средното уво повеќе од три месеци.[4]
Појавата на AOM е поврзана со детската анатомија и имунолошката функција.[4] Причинителот може да биде вирус или бактерија.[4] Ризик-фактори се изложеност на чад од цигари, употреба на цуцли-лажалки.[4] Почесто се јавува кај домородните народи и кај лицата со Даунов синдром.[4][7] OME често се јавува после AOM и може да биде поврзан со вирусна горнореспираторна инфекција, раздразнувачи како чад, или алергија.[3][4] Преглед на ушното тапанче е важен за поставување на точна дијагноза.[8]
Голем број на мерки го намалуваат ризикот за развој на воспалението на средното уво меѓу кои вакцинација за пнеумокок и инфлуенца, доење, и избегнување на чад од цигари.[1] Важна е употребата на лекови за болка кај AOM.[1] Такви се парацетамол (ацетаминофен), ибупрофен, капки за уши кои содржат бензокаин, или опиоиди.[1] Кај AOM, антибиотиците може да го забрзаат лекувањето, но може да резултираат со несакани ефекти.[9] Антибиотиците често се препорачуваат кај посериозни случаи или кај деца помали од две години.[10] Кај оние кај кои состојбата не е сериозна, антибиотици се препорачуваат доколку после два или три дена нема подобрување на состојбата.[10] Првичен антибиотик од избор вообичаено е амоксицилинот.[1]
На светско ниво AOM годишно добива 11% од вкупното население (околу 325 до 710 милиони случаи).[11][12] Половина од случаите се кај деца помали од пет години и почесто се јавува кај машките.[4][11] Пред десеттата година околу 80% од децата имаат ОМЕ во одреден период.[4] Воспалениети на средното уво резултирало со 3,200 смртни случаи во 2015 – во споредба со 4,900 смртни случаи во 1990.[6][13]
↑Coker, TR; Chan, LS; Newberry, SJ; Limbos, MA; Suttorp, MJ; Shekelle, PG; Takata, GS (17 November 2010). „Diagnosis, microbial epidemiology, and antibiotic treatment of acute otitis media in children: a systematic review“. JAMA. 304 (19): 2161–9. doi:10.1001/jama.2010.1651. PMID21081729.
↑Venekamp, RP; Sanders, SL; Glasziou, PP; Del Mar, CB; Rovers, MM (23 June 2015). „Antibiotics for acute otitis media in children“. The Cochrane Database of Systematic Reviews. 6 (6): CD000219. doi:10.1002/14651858.CD000219.pub4. PMID26099233.
