Глобална награда за наставници

Глобална награда за наставници
Доделена за	наставник кој имал поттикнувачко влијание врз неговите ученици и во неговата заедница.
Место	Велика Британија
Држава	Обединето Кралство
Доделува	Varkey Foundation
Награда/и	Парична награда во вредност од 1 милион американски долари
Прво доделување	2015; пред 10 години (2015)
Мрежно место	http://www.globalteacherprize.org/

Глобална награда за наставници — годишна награда од 1 милион американски долари од Фондацијата Варки за наставник кој има направено извонреден придонес во професијата.^[1] Номинациите на наставници кои исполнуваат специфични критериуми се отворени за светската јавност, а наставниците од целиот свет можат да се номинираат и самите себе. Селекцијата ја врши Глобалната академија за награда за наставници, составена од наставници, експерти за образование, коментатори, новинари, јавни службеници, технолошки претприемачи, директори на компании и научници од целиот свет.^[2]

Годишната награда била лансирана на вториот годишен Глобален форум за образование и вештини во март 2014 година и добиле над 5.000 номинации од 127 земји.

Глобалната награда за наставници, која новинарите ја нарекуваат Нобелова награда за настава,^[3] ја истакнува и слави професијата притоа давајќи поголемо признание за работата на наставниците ширум светот. Шефот на Фондацијата Варки тврди дека, „Сакаме да ги промовираме наставниците како ѕвезди и да го поддржиме квалитетот на образованието за да се истакне огромното влијание на наставниците врз нашите животи“. „Наставата треба да биде најважната професија во светот и треба да им се даде должна почит“.

Од 2018 година, Португалија ја вовела „Глобалната награда за наставници Португалија“,^[4] што е годишна награда од 30.000 евра и од Фондацијата Варки, спонзорирана од Кафе Делта, во партнерство со Фондацијата Галп, Фудбалската федерација на Португалија и ревидирана од PWC.

Првата годишна Глобална награда за наставници била доделена во март 2015 година на Ненси Атвел, иновативна и пионерска професорка по англиски јазик и обучувач на наставници во руралниот Мејн во Соединетите Американски Држави, која основала и води училиште каде учениците читаат во просек по 40 книги годишно, бираат кои книги ги читаат и пишуваат со успех.^[3][5] Атвел е автор на девет книги за настава, вклучително и една која е продадена во повеќе од половина милион примероци.^[5] Таа ја донирала наградата која ја добила во вредност од 1 милион американски долари за одржување, развој и стипендии на нејзиното училиште, непрофитниот Центар за настава и учење, кој исто така е модел училиште за развивање и ширење на наставни методи.^[3][6]

Година	Слика	Име	Земја	Занимање
2015		Ненси Атвел	САД	Наставник по англиски јазик и тренер на наставници.
2016		Ханан Ал Хруб	Палестински територии	Палестинска учителка.[7]
2017		Меги Мекдонел	Канада	Инуитска учителка.[8]
2018		Андрија Зафираку	Обединето Кралство	Наставничка по уметност и текстил.[9][10][11][12]
2019		Питер Табичи	Кенија	Наставник по природни науки.[13]
2020		Ранџицин Дисале	Индија	Индиски учител.[14]
2021		Кеиша Торп	САД	Професорка по англиски јазик.[15][16][17]