Доналд Сатерленд

Доналд Сатерленд Donald Sutherland
Сатерленд во 2013
Роден(а)	Donald McNichol Sutherland 17 јули 1935(1935-07-17) Сент Џон, Њу Брансвик, Канада
Починал(а)	20 јуни 2024(2024-06-20) (возр. 88) Мајами, Флорида, САД
Алма матер	Универзитет Викторија, Торонто Лондонска музичка и драмска академија
Занимање	глумец
Активен период	1963 — 2023
Сопружник	Лоис Мај Хардвик (в. 1959; раз. 1966) Ширли Даглас (в. 1966; раз. 1970) Франсин Расет (в. 1972)
Деца	5, вклучително Кифер, Росиф и Ангус
Роднини	Сара Сатерленд (внука)

Доналд Сатерленд (англиски: Donald Sutherland; Сент Џон, 17 јули 1935 — Мајами, 20 јуни 2024) — канадски глумец. Сатерленд станал познат со толкувањето на улогите на нетипични војници во филмовите како што се „Дванаесетмината жигосани“, „МЕШ“, „Келиевите јунаци“. Доналд Сатерленд е татко и на Кифер Сатерленд, исто така глумец.

Доналд Сатерленд е роден во Сент Џон, Канада во семејството на Фредерик Мекли Сатерленд и Дороти Изабел. Сатерленд има делумно шкотско, германско и англиско потекло. Детството го поминал во Нова Шкотска. На 14-годишна возраст се вработил во месна радиостаница каде што работел како дописник. Подоцна се запишал на колеџот Викторија на Универзитетот во Торонто каде што дипломирал како инженер по техника и глумец. Подоцна, Сатерленд се одлучил само за глума и се запишал на Лондонската академија за драма и музика во 1957 година.

По завршувањето на академијата во Лондон, Доналд започнал да глуми во британски филмови на ужасите. Откако се појавил во серијата „Пат за бегство (Escape Route)“, продуцентите на кои им се допаднала неговата изведба во серијата, му понудиле улога во филмот што ќе го прослави „Дванаесетмината жигосани“. По снимањето на „Дванаесетмината жигосани“, Сатерленд се преселил од Лондон во Холивуд.

• Кифер Сатерленд

• Доналд Сатерленд на Семрежната филмска база на податоци (англиски)