Екернферде

Екернферде
Пристаништето во Екернферде со дрвениот мост
Екернферде
Управа
Земја	Германија
Покраина	Шлезвиг-Холштајн
Округ	Рендсбург-Екернферде
Градоначалник	Јерг Зибел
Основни податоци
Површина	17,97 км2
Надм. височина	0−42 м
Население	21.507 (31 декември 2022)[1]
- Густина	1.197 жит/км2
Други информации
Часовен појас	CET/CEST (UTC+1/+2)
Рег. табл.	ECK
Пошт. бр.	24340
Повик. бр.	04351
Портал	www.eckernfoerde.de
Местоположба на градот Екернферде во рамките на округот Рендсбург-Екернферде
Координати	54°28′27″N 9°50′16″E / 54.47417°N 9.83778°E / 54.47417; 9.83778

Екернферде (германски: Eckernförde; дански: Egernførde, долногермански: Eckernför) — град во округот Рендсбург-Екернферде, во сојузната покраина Шлезвиг-Холштајн, Германија, на брегот на Балтичкото Море, околу 30 километри северозападно од Кил. Екернферде е омилено туристичко одредиште во северна Германија.

Градот претставува административно седиште на општинската заедница Шлај-Балтичко Море, иако самиот град не е член на заедницата.

Името на Екернферде е од мешано потекло, но изведено од името на дански замок порано сместен близу денешниот град, кој исто така се сретнува во името на градскиот округ Борби. Ова утврдување е запишано во XIII век како Ykærnæburgh.^[2] Во 1441 година, градот го користел официјалниот печат во неговото име како Ехернеборг (Eherneborgh).^[3] Првиот слог се однесува на денешниот дански збор „егерн“ кој означува верверица, додека „-ферде“ доаѓа од долногерманскиот јазик и означува фјорд.^[2] Вториот слог -ферде е забележан во латинизираната форма на двата официјални печати користени во градот во 1602 и 1624 година.^[3] Етимологијата на името на градот е прикажана преку верверицата во грбот на градот, првпат забележан во печатот од 1441 година.

• Во 1197 година, Екернферде бил првпат споменат.
• Екернферде бил споменат во 1302 година по првпат како град, но во 1288 година жителите веќе биле нарекувани опидани (oppidani; „граѓани“).
• Во текот на Првата шлезвишка војна, два дански бродови, Кристијан VIII и фрегатата Гефион се обиделе да впловат во Екернферде во април 1849 година. Биле бомбардирани од брегот. Кристијан VIII експлодирал, додека Гефион се предал и бил освоен. Теодор Пројсе, командант на јужните трупи, умрел додека ги спасувал данските трупи од Кристијан VIII.
• Балтичката поплава на 13 ноември 1872 година го погодила брегот на Балтичкото Море од Данска до Померанија. Од сите германски крајбрежни населби, Екернферде бил најтешко погоден поради неговата местоположба во Екернфердскиот Залив, кој е широко отворен кон североисток. Целиот град бил поплавен, 78 куќи биле уништени, 138 оштетени и 112 семејства останале без покрив на главата.
• Грофот Сен Жермен бил погребан во Екернферде близу црквата Св. Никола. Неговиот гроб бил уништен од поплавата во 1872 година.
• Во 1934 година бил основан приморското одморалиште Борби.
• По Втората светска војна бил основан камп за раселени лица од Естонија,^[4] кој се наоѓал во дел од дворецот Хоенштајн.^[5]

На почетокот на XX век, Екернферде бил познат по неговото пристаниште, рибарството, трговијата со земјоделски производи и производството на сол и железни добра.^[6]

Сите подморници на Германската морнарица се сместени во Екернферде. Покрај тоа, во градот се наоѓа и седиштето на БЕХН, претпријатие за алкохолни пијалаци, основано во 1792 година. Седиштето на СИГ Зауер исто така се наоѓа во градот.

Железничката линија Кил—Фленсбург поминува низ градот, на која се наоѓа и железничката станица во Екернферде, сместена во западниот дел на градот. Главната автобуска станица е поврзана со железничката станица. Железницата припаѓа на Германските железници. Екернферде има четири автобуски линии низ градот, кои ги опслужува со нископодни автобуси. Во градот не сообраќаат трамваи или тролејбуси.

Во Екернферде се наоѓаат два пункта за изнајмување велосипеди, една близу плажата и еден во пешачката зона.

Поголем меѓународен аеродром претставува Хамбуршкиот аеродром.

Екернферде е збратимен со следниве градови:

• Маклсфилд, Велика Британија (од 1953 г.)
• Хеслехолм, Шведска (од 1958 г.)
• Танга, Танзанија (од 1963 г.)
• Наксков, Данска (од 1969 г.)
• Бжег, Полска (од 1989 г.)
• Бицов, Германија (од 1990 г.)

„Екернферде“ на Ризницата ?

• Матична страница (германски)
• Карта на градот Архивирано на 6 октомври 2014 г. (германски)
• Официјална туристичка страница (германски)
• Eckernförder Zeitung Локален весник за градот (германски)
•  Chisholm, Hugh, уред. (1911). „Eckernförde“ . Encyclopædia Britannica (11. изд.). Cambridge University Press.

п р у Градови и општини во округот Рендсбург-Екернферде Ајзендорф Алефелд-Бистензе Алт Дуфенштет Алтенхолц Алтенхоф Арпсдорф Аукруг Ахтервер Ашефел Баргстал Баргштет Баркелсби Белдорф Бендорф Бенхузен Берингштет Биделсдорф Бинсдорф Бисзе Блументал Бокел Боргдорф-Зедорф Боргштет Бордесхолм Борнхолт Бофенау Брајхолц Брамер Бреденбек Брекендорф Бриге Бринјае Бродерсби Вабс Вапелфелд Вардер Васбек Ватенбек Вестензе Вестеренфелд Виндеби Винемарк Гамелби Геторф Гиби Гнуц Гозефелд Гокелс Грауел Грефенкруг Грос Бухвалд Грос Витензе Грос Фолштет Дамендорф Дамп Денишенхаген Дерпхоф Детген Екернферде Елердорф Елсдорф-Вестермилен Ембирен Емкендорф Ендорф Зеештет Зерен Зефелд Зофинхам Јарсдорф Јефенштет Карби Кварнбек Клајн Витензе Кенигсхигел Козел Кристијансхолм Крогаспе Кронсхаген Крумвиш Лангведел Линдау Литјенвештет Лое-Ферден Лозе Лоп Лунштет Мелсдорф Мерел Мецен Милкендорф Молфзе Миброк Негенхари Нер Нибел Нинборстел Ниндорф Нојдорф-Борнштајн Ној Дуфенштет Нојвитенбек Норторф Овшлаг Олденбител Олденхитен Осдорф Остенфелд Остерби Остеренфелд Остерштет Отендорф Паденштет Принценмор Раде кај Рендсбург Раде кај Хоенвештет Ремелс Рендсбург Ресдорф Ризеби Рикерт Роденбек Румор Таден Такесдорф Тапендорф Техелсдорф Тимаспе Титендорф Тоденбител Тумби Фелде Фелм Флекеби Флинтбек Фокбек Фридрихсграбен Фридрихсхолм Хаби Хајнкенборстел Хале Хамведел Хамдорф Ханерау-Хадемаршен Хасмор Херстен Хитен Хоенвештет Холтзе Холцбунге Холцдорф Хон Хофелд Хумелфелд Шахт-Аудорф Шведенек Шенбек Шенхорст Ширензе Шинкел Шмалштеде Шилдорф Шилп кај Норторф Шилп кај Рендсбург Штафштет Штенфелд Штранде