Енвер-паша

Енвер Паша
Енвер Паша;
	Исмаил Енвер
Родено име	Исмаил Енвер
Роден	22 ноември 1881 ; Цариград
Починал	4 август 1922 (возр. 40) ; Таџикистан
Држава	Османлиско Царство
Чин	Министер за војна
Единица	Трета отоманска армија
Битки/војни	Османлиско-италијанска војна; Балкански војни; Битка кај Сарикамиш; Прва светска војна

Исмаил Енвер Паша^[1] (22 ноември 1881 во Истанбул - 4 август 1922 во Таџикистан) бил османлиски државник активен учесник во Младотурската револуција од 1908 година, еден од водачите на младотурската партија Комитет за единство и напредок.

Исмаил Енвер е роден во Истанбул во семејството на железнички работник. Пораснал во сиромаштија. Од 1897 година станал член на движењето на младотурците. Во 1903 година дипломирал на истанбулската воена академија. Во 1912 година партијата на младотурците победила на изборите, но малку подоцна почнува да ја губи популарноста. Во јануари 1913 година, Енвер спровел државен удар против владата.

По превратот станал министер за одбрана. Бил голем противник на нетурското население. Во текот на Првата светска војна ја вршел функцијата заменик на главниот командант (командант формално бил султанот). По крајот на војната побегнал во Берлин каде живеел под псевдонимот Али бег. Во Истанбул од повоениот трибунал бил осуден на смрт.