Епископско Кнежевство Вирцбург

Епископско Кнежевство Вирцбург
Епископско Кнежевство Вирцбург Fürstbistum Würzburg
	1168–1803
	Coat of arms
	Збратимените епископски кнежевства Вирцбург и Бамберг
Статус	Држава на Светото Римско Царство
Главен град	Вирцбург
Говорени јазици	источнофранконски
Вероисповед	римокатолици
Уредување	изборно кнежевство
Епископски кнез
• 743–55; (основач)	; Св. Бурхард I
• 1165–70; (прв епископски кнез)	; Херолд фон Хохајм
• 1795–1808; (епископски кнез до 1803 г.)	; Георг Карл фон Фехенбах
Историски период	среден век
• основање на епископијата	743
• издигната на епископско кнежевство	1168
• епископските кнезови; станале војводи во Франконија	; 1441
• верски кнез; на Франконскиот округ	; 1500
• секуларизирано и; припоено од Баварија	25 февруари 1803 1803
• предадено на Фердинанд и; издигнато во големо војводство	30 септември 1806
Претходници	Наследници
	Војводство Франконија
Изборно Кнежевство Баварија

За современата епископија, видете Вирцбуршка епископија.

Епископско Кнежевство Вирцбург (германски: Hochstift Würzburg) — верска држава во Светото Римско Царство, сместена во Долна Франконија, западно од Епископското Кнежевство Бамберг. Вирцбург претставувал епископија од 743 година. Како што конечно одредено со конкордат од 1448 година, епископите во Германија биле одбирани од собир во катедралите и нивниот избор подоцна бил потврдуван од папата. По традиција во Германија, епископските кнезови на Вирцбург биле често избирани и на други верски кнежевства.^[1] Последните неколку епископски кнезови престојувале во Вирцбуршкиот дворец, што е еден од најголемите барокни дворци во Европа.

Како последица на Линевилскиот мир од 1801 година, Вирцбург, заедно со другите верски држави во Германија, бил секуларизиран во 1803 година и припоен кон Изборното Кнежевство Баварија. Во истата година, на Фердинанд III, поранешен голем војвода на Тоскана, му било предадено Изборното кнежевство Салцбург. Со Пресбуршкиот мир од 1805 година, Фердинанд го загубил Салцбург од Австриското Царство, но му било предадено за возврат новото Големо Војводство Вирцбург, кое Баварија го предало за Тирол. Оваа нова држава траела до 1814 година, кога повторно била припоена од Баварија.

Римокатоличката Вирцбуршка епископија била повторно основана во 1821 година без световна моќ.

Војвода на Франконија

Во 1115 година, Хајнрих V ја доделил територијата на Источна Франконија (Ostfranken) на неговиот внук Конрад III, кој ја користел титулата „војвода на Франконија“. Франконија останала под водство на династијата Хоенштауфен до 1168 година, кога епископот на Вирцбург формално ги презел војводските права во Источна Франконија. Името Франконија излегло од употреба, но епископот ја обновил во своја корист во 1442 година и ја задржал, додека со реформите на Наполеон Бонапарт не било укинато.

Грб

Првичниот грб го покажувал грбот „Rennfähnlein“.

Во XIV век бил создаден друг грб. Грбот го прикажува холизмот на рајот и земјата. Трите бели бајонети го претставуваат тројството на Господ, а четирите црвени бајонети, насочени кон земјата, стојат за четирите точки на компасот, претставувајќи ја целата широчина на земјата. Црвената боја ја претставува бојата на Исус Христос.

Епископските кнезови го користел овој грб, заедно со нивниот личен грб. Личниот грб претежно го претставувал семејниот грб на епископот.

Епископи на Вирцбург, 743–1808

Во 741 или 742 година, првиот епископ на Вирцбург бил хиротонисан од Свети Бонифациј.

Бурхард Вирцбуршки 743 (или 746)–755
Мегингауд Вирцбуршки 755–769
Беровелф 769–800
Лиутрит 800–803
Егилварт 803–810
Волфгар 810–832
Хунберт 833–842
Гозбалд 842–855
Арн Вирцбуршки 855–892
Рудолф I 892–908
Теодо фон Хенеберг 908–931
Бурхард II 932–941
Попо I 941–961
Попо II 961–983
Хуго фон Ротенбург 983–990
Бернвард фон Ротенбург 990–995
Хајнрих I фон Ротенбург 995–1018
Мајнхард I фон Ротенбург 1018–1034
Бруно Вирцбуршки 1034–1045
Адалберо Вирцбуршки 1045–1085
Мајнхард II фон Ротенбург 1085–1088
Ајнхард фон Ротенбург 1089–1105
Руперт фон Тундорф 1105–1106
Ерлунг фон Калв 1106–1121
Гебхард фон Хенеберг 1122–1127
Рудигер фон Фајинген 1122–1125
Емихо фон Лајнинген 1125–1146
Зигфрид фон Труендинген 1146–1150
Гебхард фон Хенеберг 1150–1159
Хајнрих II фон Штулинген 1159–1165
Херолд фон Хохајм 1165–1170
Регинхард фон Абенберг 1171–1186
Готфрид I фон Шпиценберг-Хелфенштајн 1186–1190
Филип Швапски 1190–1191
Хајнрих III 1191–1197
Готфрид II фон Хоенлое 1197
Конрад фон Кверфурт 1197–1202
Хајнрих IV фон Кацбург 1202–1207
Ото фон Лобдебург 1207–1223
Дитрих фон Хомбург 1223–1225
Херман I фон Лобдебург 1225–1254
Иринг фон Рајнштајн-Хомбург 1254–1266
Хајнрих V фон Лајнинген 1254–1255
Попо III фон Тримберг 1267–1271
Бертолд I фон Хенеберг 1271–1274
Бертолд II фон Штернберг 1274–1287
Манголд фон Нојенбург 1287–1303 (епископ на Бамберг 1285)
Андреас фон Гунделфинген 1303–1313
Готфрид III фон Хоенлое 1313–1322
Фридрих фон Штолберг 1313–1317
Волфрам Волфскел фон Грумбах 1322–1332
Херман II Хумел фон Лихтенберг 1333–1335
Ото II фон Волфскел 1335–1345
Албрехт I фон Хоенберг 1345–1349
Албрехт II фон Хоенлое 1350–1372
Герхард фон Шварцбург 1372–1400
Албрехт III фон Кацбург 1372–1376
Јохан I фон Еглофштајн 1400–1411
Јохан II фон Брун 1411–1440
Зигмунд од Саксонија 1440–1443
Готфрид I фон Лимпург 1443–1455
Јохан III фон Грумбах 1455–1466
Рудолф фон Шеренберг 1466–1495
Лоренц фон Бибра 1495–1519
Конрад фон Тинген 1519–1540
Конрад фон Бибра 1540–1544
Мелхиор Цобел фон Гибелштат 1544–1558
Фридрих фон Вирсберг 1558–1573
Јулиј Ехтер фон Мешпелбрун 1573–1617
Јохан Готфрид фон Ашхаузен 1617–1622 (епископ на Бамберг 1609–1622)
Филип Адолф фон Еренберг 1622–1631
Франц фон Хацфелд 1631–1642 (епископ на Бамберг 1633–1642)
Јохан Филип фон Шенборн 1642–1673
Јохан Хартман фон Розенбах 1673–1675
Петер Филип фон Дернбах 1675–1683
Конрад Вилхелм фон Вернау 1683–1684
Јохан Готфрид II фон Гутенберг 1684–1698
Јохан Филип фон Грајфенклау цу Фолратс 1699–1719
Јохан Филип Франц фон Шенборн 1719–1725
Кристоф Франц фон Хутен 1724–1729
Фридрих Карл фон Шенборн 1729–1746 (епископ на Бамберг)
Анселм Франц фон Ингелхајм 1746–1749
Карл Филип фон Грајфенклау цу Фолратс 1749–1754
Адам Фридрих фон Зајнсхајм 1755–1779 (епископ на Бамберг 1757–1779)
Франц Лудвиг фон Ертал 1779–1795 (епископ на Бамберг)
Георг Карл Игнац фон Фехенбах цу Лауденбах 1795–1808

Секуларната моќ ја загубиле во 1803 година. Територијата припаднала на Баварија до 1805 година.

Галерија

Вирцбуршка катедрала
Вирцбуршки дворец, изграден 1719-1744 за Јохан Филип Франц фон Шенборн и Фридрих Карл фон Шенборн
Замокот Вернек, изграден 1733-1745 за Фридрих Карл фон Шенборн
Летниот дворец Фајтсхехајм

Поврзано

Наводи

↑ На пример, Јохан Франц Шенхорн бил прв избран епископски кнез на Вирцбург во 1642 година, подоцна изборен кнез на Мајнц во 1647 година и на крај епископски кнез на Вормс во 1663 година.

Литература

Peter Kolb und Ernst-Günther Krenig (Hrsg.): Unterfränkische Geschichte. Würzburg 1989.
Alfred Wendehorst: Das Bistum Würzburg Teil 1: Die Bischofsreihe bis 1254. Germania Sacra, NF 1: Die Bistümer der Kirchenprovinz Mainz, Berlin 1962.
Alfred Wendehorst: Das Bistum Würzburg Teil 2 - Die Bischofsreihe von 1254 bis 1455. In: Max-Planck-Institut für Geschichte (Hg.): Germania Sacra - Neue Folge 4 - Die Bistümer der Kirchenprovinz Mainz. Berlin 1969. ISBN 978-3-11-001291-0.
Alfred Wendehorst: Das Bistum Würzburg Teil 3: Die Bischofsreihe von 1455 bis 1617. Germania Sacra, NF 13: Die Bistümer der Kirchenprovinz Mainz, Berlin/New York 1978.
Alfred Wendehorst: Das Bistum Würzburg 1803-1957. Würzburg 1965.
Wissenschaftliche Vereinigung für den Deutschen Orden e.V. und Historische Deutschorden-Compaigne zu Mergentheim 1760 e.V. (Hrsg.): 1300 Jahre Würzburg - Zeichen der Geschichte, Bilder und Siegel der Bischöfe von Würzburg. Heft 23. Lauda-Königshofen 2004.