Заштитен статус

Заштитен статус или статус на загрозеност на одреден вид — поим што се користи како индикатор за можноста тој вид да изумре во блиска или подалечна иднина.

Црвениот список на МСЗП е најпознат список на загрозени видови. Според МСЗП (или IUCN) таксоните спаѓаат во некоја од следниве категории:

• EX — Изумрени видови по 1500 година (кратенката потекнува од англискиот збор extinct);
• EW — Видови изумрени во дивината (англ. Extinct in the wild)
• CR — Критично загрозени видови (англ. Critically Endangered);
• EN — Загрозени видови (англ. Endangered) и
• VU — Ранливи видови (англ. Vulnerable)
• LR — Нискоризични видови (англ. Low risk), категорија која се дели на:
  • LR/cd — Видови зависни од заштита (англ. Conservation dependent);
  • LR/nt — Речиси загрозени видови (англ. Nearly threatened);
  • LR/lc — Видови со најмала загриженост од изумирање (англ. Least concern)

Постојат и две додатни МСЗП категории:

• DD — Видови со недоволно податоци за загрозеноста (англ. Data deficient)
• NE — Непроценети видови, или не се проверениспоред IUCN критериуми (англ. Not evaluated)

Според организацијата NatureServe постојат следниве категории^[1]:

• Претпоставено изумрени (Presumed Extinct, GX)
• Можеби изумрени (Possibly Extinct, GH)
• Критично загрозени (Critically Imperiled, G1)
• Загрозени (Imperiled, G2)
• Ранливи (Vulnerable, G3)
• Се чини безбедни (Apparently Secure, G4) и
• Безбедни (Secure, G5)

Овој систем содржи и двосмислени и непотполно одредени категории од типот на Неточно одреден број на едники (Inexact numeric ranks) и меѓукатегории од типот на G2G3 кога не може точно да се одреди соодветната категорија. Во овој систем исто така постои исказот: само во заробеништво или под надзор на човекот, кој има слично значење како и IUCN категоријата: изумрени во дивината (Extinct in the Wild, EW).

Во Руската Федерација во оваа смисла постои таканаречена Црвена книга на Руската Федерација.