Земјотрес на Камчатка (2025)
Земјотрес со магнитуда од 8,8 степени се случил на 30 јули 2025 г. во 11:24:50 часот по камчатско време, на територијата на Камчатскиот Крај и Сахалинската Област во Русија. Ова е најсилниот земјотрес од 1952 г. (кога имало земјотрес со магнитуда од 9,0) на оваа територија. Тоа е најсилниот земјотрес забележан по земјотресот во Јапонија во 2011 г. и стои на исто ниво со земјотресите во Еквадор и Колумбија од 1906 г., како и со чилеанскиот земјотрес од 2010 г., со што е шести по јачина земјотрес некогаш регистриран. Земјотресот и последователното цунами низ Тихиот Океан нанеле умерена штета и предизвикале бројни повреди на Хокаидо, во Камчатскиот Крај и Сахалинската Област. ШтетаПријавени се четири повредени лица. Во Петропавловск Камчатски имало прекини на електрична енергија и проблеми со мобилната мрежа, се урнала и фасадата на детска градинка, а била нанесена штета на инфраструктурата на аеродромот Елизово, но штетата на другите згради се покажала релативно мала.[1] Најмногу настрадал градот Северо-Курилск: тој бил погоден од четири бранови цунами, како резултат на што биле поплавени пристаништето и рибната фабрика, дел од бродовите биле исфрлени на брегот, а во градот имало и прекин на електрична енергија и била прогласена вонредна состојба, при што поголем дел од жителите биле евакуирани. Во Јапонија, 15 лица добиле повреди или настрадале од болести поврзани со топлотен удар за време на евакуацијата, вклучително 14 на Хокаидо и 1 во префектурата Мијазаки.[2][3] Во Кумано, префектура Мие, 58-годишна жена загинала откако случајно се спуштила од карпа за време на евакуацијата од цунамито.[4][5] На островот Шумшу (Курилски Острови) биле однесени шаторите на научниците од Руското географско друштво. Наводи
Надворешни врски
|
||||||||||||||||||||||
.png)
Portal di Ensiklopedia Dunia
