Камчатска кафеава мечка
Камчатска кафеава мечка (науч. Ursus arctos beringianus) — подвид на кафевата мечка, кој живее на полуостровот Камчатка, Карагински Остров, и северно преку округот Корјак. Може да се сретне и на западниот брег на Охотското Море, на островите Шантар и на северните Курилски Острови. ОдликиОвие мечки се физички доста слични на кодијакот од Алјаска, иако се со потемно крзно и малку помали[1]. Иако доминираат единки со темно крзно сепак бојата може да варира од кафеаво-црна до темножолта. Канџите се темнокафени со жолти краеви и достигнуваат должина од 100 милиметри. Исправени, овие мечки достигнуваат должина од 2,75 метри, опашката им е долга од 16,5 до 21 сантиметар. Камчатската кафеава мечка е еден од најголемите подвидови на кафеaвата мечка, и достигнува тежина од 3/4 од тон. Најголемите единки живеат на Камчатка и на островите Шантар. Како и мечките од Алјаска и овие мечки растат огромни поради нивната исхрана која е богата со белковини, и која се состои од ловење на лосос[2] во крајбрежните реки, и поради благата клима поради која имаат многу краток период на хибернација[1]. Наводи
Надворешни врски
|
||||||||||||||||||||||||
Portal di Ensiklopedia Dunia
