Катна

Катна (акадски ^URU Qa-ṭà-na, ^URU Qàṭ-aṭ-na) бил главен град на градското кралство во денешна Сирија. Во годините околу 2.000 п.н.е. овој град бил со значителни трговски врски кои ги контролирала сите важни патишта во околината и најверојатно имал трговски врски со околните култури како Египет и Месопотамија, како и со многу оддалечени култури во светот. Катна бил од страна на Хетитите околу 1340 година п.н.е. уништен и спален. За време на железното доба, тука се наоѓала една помала населба која постоела сè до времето на Византија.

Град

Квадратниот ареал на градот бил со површина од околу 110 хектари, опкружен со градски sидини со странични должини од 1000 м, кои се искачувале на височина од 15-20 м. На средината на секоја страна некогаш стоела градска порта .

Палата

Старата палата во Катна е изградена на почетокот на 2 милениум п.н.е. и има околу 18.000 м2 простор, таа е една од најголемите палати во своето време во древниот Ориент. Централниот хол е со големина од скоро 1296 м2, покривот кој се потпира на четири столба од 10 м височина, а импресионира и престол собата со должина од 40 м, што е најголемиот простор на истокот од бронзеното време. Таа била ограбена за време на освојувањето на Хетитите и исклучително добро е сочувана. Во страничната соба се пронајдени добро сочувани фрески кои потсетувале на минојското ѕидно сликарство, од кои археолозите известувале за културната врска со просторот на Егејското Море .

Западното крило на палатата било ископано во 2008 година. и било невообичаено добро сочувано. Од првобитните три ката од зградата сè уште стојат ѕидовите од тули на долните два ката со височина од 5,30 метри. Оваа зграда е првата повеќекатница на Блискиот Исток која е до сега откриена. Четири врати со лакови од тули се распоредени во низа по една линија. На Блискиот Исток овие се меѓу најдобро сочуваните лачни објекти од бронзеното време .