Квечерина (Микеланџело)

Квечерина
Crepusculo

Творец	Микеланџело
Година	1524–1531
Димензии	155 см × 170 см
Место	Галерија на Академијата, Фиренца, Италија

Квечерина (италијански: Crepusculo) — мермерна скулптура (155 × 170 cm, максимална должина 195 cm) од Микеланџело, за која се верува дека е изработена во раздобјето 1524-1531 година и е дел од декорацијата на Новата сакристија на црквата Св. Лаврентиј во Фиренца. Таа е една од четирите алегориски делови на денот и се наоѓа на десната страна на саркофагот на гробот на Лоренцо де Медичи, војводата од Урбино.

Квечерина Микелаџело започнал да ја работи во фазата по обновувањето на работите на сакристијата во 1524 година, по изборот на папата Климент VII на папскиот престол. Не се знае датумот на завршување на делото, кое уметникот морал да го заврши по прекинот поради опсадата на Фиренца во 1531 година, но статуата била видена „недовршена“ во 1534 година, кога Микеланџело конечно го напуштил градот.

Квечерина или зајдисонце се појавува како машка персонификација, полуиспружен и гол, како и другите статуи од низата. Можеби ги имал за пример планинските и речните божества на триумфалната порта на Септимиј Север во Рим како свој модел. Ако неговата другарка, Мугра (Аурора), е будна, Квечерина треба да спие. Неговото тело е испружено со една нога прекрстена преку другата за дополнителна динамика, едната рака е лабаво поставена на бутот и го држи превезот што се спушта назад, другата ја поддржува фигурата со свиткан лакт и уморно седи. Лицето е забрадено и замислено гледа надолу.

Меѓу различните иконолошки читања, статуата се смета за симбол на флегматичен темперамент или елемент на вода или дури и земја.

• 
  Детаљ
• 
  Капелата

• Umberto Baldini, Michelangelo scultore, Milano, Rizzoli, 1973.
• Marta Alvarez Gonzáles, Michelangelo, Milano, Mondadori Arte, 2007, ISBN 978-88-370-6434-1.

• Квечерина (Микеланџело) на Ризницата ^?
• Каталогот на службениот распоред (шеда 2) Архивирано на 8 февруари 2019 г.

п р у Микеланџело Список на дела ✻ припишани · изгубени Фиренца, ок. 1488–1492 Глава на фаун Богородица на скали Битка на кентаурите Распнување Болоња, 1494–1495 Додатоци на Гробот на Свети Доминик Св. Петрониј Св. Прокул Ангел Рим, 1496–1500 Заспаниот Купидон Бахус Купидон Аполон Пиета Фиренца, 1501–1505 Давид Богородица од Бриж Додатоци на Пиколоминиевиот олтар Свети Петар, Павле, Пиј и Григориј Тондо Пити Тондо Тадеј Свети Матеј Ротшилдови бронзи Гроб на Јулиј II, 1505–1545 Мојсеј Бунтовен роб Роб што умира Млад роб Роб со брада Робот Атлас Роб на будење Духот на победата Рахила Лија Фиренца, 1516–1534 Христос го носи крстот Капела на Медичиеви Џулијано де Медичи Ноќ Ден Квечерина Мугра Богородица Медичи Аполон Клекнато момче Рим, 1534–1564 Брут Фирентска пиета Палестринска пиета ✻ Пиета Ронданини