Килопонд

Килопонд (од лат. pondus = „тежина“, симб. кп или kp^[1]) или килограм-сила (симб. кгс или kg_F) е гравитациска метричка единица за сила. Единицата ја изразува силата на килограм маса во гравитациско поле од 9,80665 м/с² (стандардна гравитација, т.е. вопросечена вредност на Земјината тежа).^[2] Затоа, еден килопонд по дефиниција е еднаков на 9,80665 N.^[3]^[4] Сразмерно на тоа, еден грам-сила (гс) изнесува 9,80665 мN, а еден милиграм-сила изнесува 9,80665 uN.

Покрај науката, единицата се користи и за изразување на напрегањето на велосипедските жици, за вртежен момент што се изразува во килопондметри (кмп)^[5] за неформално изразување на притисок во килограми по сантиметар квадратен (1 кп/см² = 1 ат ≈ 1 бар ≈ 1 атм), за повлечокот на лакот во стреличарството, и за дефинирање на „метричка коњска сила“ како 75 килопондметри во секунда^[3] и техничката атмосфера (ат) како 1 килопонд на сантиметар квадратен.

Сродни единици

Во разни полиња присутни се и единиците тон-сила, мегаграм-сила и мегапонд (Мп), кои изнесуваат 1000 килопонди.

Во некои полиња се користи единицата декањутн (daN) како приближна на килопондот, со тоа што декањутнот има точно (наместо приближно) 10 њутни.

**Единици за сила**
п р у	њутн (SI)	дин	килопонд	фунта-сила	фунтал
1 N	≡ 1 kg·m/s²	= 10⁵ dyn	≈ 0,10197 kp	≈ 0,22481 lb_F	≈ 7,2330 pdl
1 dyn	= 10⁻⁵ N	≡ 1 g·cm/s²	≈ 1,0197×10⁻⁶ kp	≈ 2,2481×10⁻⁶ lb_F	≈ 7,2330×10⁻⁵ pdl
1 kp	= 9,80665 N	= 980665 dyn	≡ g_n·(1 kg)	≈ 2,2046 lb_F	≈ 70,932 pdl
1 lb_F	≈ 4,448222 N	≈ 444822 dyn	≈ 0,45359 kp	≡ g_n·(1 lb)	≈ 32,174 pdl
1 pdl	≈ 0,138255 N	≈ 13825 dyn	≈ 0,014098 kp	≈ 0,031081 lb_F	≡ 1 lb·ft/s²